Skip to main content

Covid-19: Tunillatsissimasut marluk - Upernavimmi Qaqortumilu

Qaqortumi nutaamik tunillatsittoqaqqippoq, Upernavimmilu ataatsimik aamma tunillatsittoqarsimasoq paasineqarluni. Upernavimmiittoq qanoq tunillatsissimanersoq oqartussat ilisimanngilaat.

Qaqortumi tunillatsisimasoq nutaaq tunillatsereersimasumut qanillisimasuuvoq taamaammallu tuniluunneq ilisimaneqartumeerluni, oqartussat ilisimatitsipput.

- Tunillatsisimasoq Upernavimmeersoq ulluni arlalinni napparsimasimavoq, napparsimalinnginnerminilu ulluni juulip 13-ianiit 17-iata nalaani Upernaviup eqqaani nunaqarfimmi Tasiusamiissimalluni. Tunillatsissimasoq angerlasimalluni mattusimavoq. Tunillatsissimanera sumi pisimanersoq maannakkuugallartoq ilisimaneqanngilaq, corona pillugu suleqatigiit tusagassiorfinnut nalunaarummi allapput.

Upernavimmi misissuisoqassaaq

Upernavimmi innuttaasunik misissuinissamut peqqinnissaqarfik maanna piareersarpoq, innuttaasullu tunillatsissimanermut ersiuteqartut ulluni qaninnerni misissorneqalissallutik. Tunillatsissimasumut qanillisimasut siulliullugit misissorneqassasut, oqartussat ilisimatitsipput. Taakku corona pillugu suliaqartunit attavigineqassapput.

Upernaviup eqqaani Tasiusami najugaqartut sapaatip akunnerata naanerani misissorneqarumaarput. Piffissaliussaq piaartumik ilisimatitsissutigineqassasoq, oqartussat nalunaarput.

- Tunillanneqarsimasumut qanillisimasut ullut arfineq-marluk angerlarsimaannassapput, ullullu arfineq-aappassaanni misissortinnikkut tunillatsissimannginnerat uppernarsarneqarnissaata tungaanut angerlasimaannartussaallutik. Tunillatsissimasut qanillisimasut ullut arfineq-marluk iluani ersiuteqalersimagunik angerlasimallutik mattusimalissapput misissortinnissarlu pillugu peqqinnissaqarfimmut sianerlutik saaffiginnissallutik, corona pillugu suliaqartut allappiut.

Killilersuutit eqqaamakkit:

  • Napparsimaguit angerlarsimagit.
  • Assatit errortukulakkit, imaluunniit assannut spriti atoruk.
  • Tallinnut quersorlutilluunniit tangajorit.
  • Assamminneq, ersakkut kunissineq eqitaarinerlu pinaveersaakkit – inunnik allanik timikkut attugaqarnissat killileruk.
  • Eqqiaaneq eqqumaffigiuk – angerlarsimaffinni suliffinnilu.
  • Inunnut qanillinaveersaarlutillu allat innimiginninnissaannik piumaffigikkit.
Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER