Skip to main content

Toqutsisutut unnerluutigineqartoq Polar Nanormut uterami annilaangarpasippoq

Birna Brjánsdóttirip toqutaanerani suliamut ilisimannittut siulliit maanna nassuiaateqareerput.

Angut 30-nik ukiulik Birna Brjánsdóttirimut toqutsisimasutut unnerluutigineqartoq, Polar Nanormut uterami kissaammersimalunilu annilaangarpasippoq.

Allarummik nassartoq
I marluk nassuiaanerminni tamanna oqaluttuaraat, mbl.is oqaluttuarpoq.

Taanna 30-nik ukiulik arfininngornermi ulloqeqqata missaani umiarsuarmut uterami allarummik nassartoq, takunnittup ataatsip nassuiarpaa. Biilimi 30-nik ukiullip attartorsimasaani ilisimannittup arlaat meriarsimasorisimavaa.

Unnerluutigineqartoq biili aappaluttoq pillugu sms-innakkami annilaangasorujussuulluni nukillaarnissani ernummatigisimagaa ilisimannittut aamma nassuiarpaa.

Aamma atuaruk: Toqutsisimasutut unnerluutigineqartoq aatsaat augustip naanerani killisiorneqassaaq

Unnerluutigineqartoq annilaangarpasittoq ilisimannittup allap aamma nassuiaatigaa. Kilisaatip Reykjavikimut uternerani ajorsiartuinnarsimasoq aamma oqaluttuaraa.

- Aallunga aggernerlutik, politiit Polar Nanormut ikimmata taanna 30-nik ukiulik oqarsimavoq.

Taanna 30-nik ukiulik inussiarnersutut aamma kilisaammi nuannarisatut ilisarisimaneqartoq, ilisimannittoq eqqartuussissuserisumut illersuisumit apeqqummut nassuiaavoq.

Arfineq-marluk ilisimannittut nassuiaasarfianni
Nunatsinni nalunaaqutaq malillugu 7.15 suliaq aallartippoq. Ullup ingerlanerani Polar Nanormi inuttat arfineq-marluk nassuiaateqassapput.

Unnerluutigineqartut pinngitsuunerarpoq.

Allaaserisat tamaasa atuakkit: Birna Brjánsdóttir pillugu suliaq

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER