Pinerluttunik isumaginnittoqarfik pisortartaartoq

Nunatsinni pinerluttunik isumaginnittoqarfik ulloq 1. august Thomas Fredhøj naammassinninnermut isumannaallisaanermulli pisortatut atorfinitsissavaat. Thomas Fredhøj Tasiilami isertitsivimmi massakkut aqutsisuuvoq. Thomas-i sulinermini immikkoortortaqarfiit assigiinngitsut aqutsisuuffigisarsimavai, ilaatigut arnanut immikkoortortaqarfik, rockerit immikkoortortaqarfiani aammalu nappaatillit immikkoortortaqarfiani.

Thomas Fredhøj naammassinninnermut isumannaallisaanermulli pisortatut, isertitsivinni aqutsisunut aqutsisuulissaaq, aammalu pineqaatissinneqarsimasut innuttaasunut ilaalerseqqinnissaanut pisortaq, aamma pisortaaneq suleqatigalugit pineqaatissiinerit naammassineqarnissaat aammalu pineqaatissinneqarsimasut innuttaasunut ilaalerseqqinnissaanut suleqataassaaq.

Qullersaqarfimmilu sulisuussapput, pisortaaneq Naaja H. Nathanielsen, pineqaatissinneqarsimasut innuttaasunut ilaalerseqqinnissaanut pisortaq Trine Chemnitz kiisalu naammassinninnermut isumannaallisaanermulli pisortaq, Thomas Fredhøj.

Nunatsinni pinerlunnermut isumaginnittoqarfimmi pisortaaneq, Naaja H. Nathanielsen, oqarpoq:

- Thomas Fredhøj-i aqutsisutut atorfeqarfeqarnini, sulisunik apeqataatitsinermigut ineriartortitsinermillu takutitsilluartarsimavoq. Misilittagaalu Nunatsinni atorluarnissaat qilanaarutigaarput, Nunatsinni pinerluttunik isumaginnitoqarfimmi pisortaaneq, Naaja H. Nathanielsen oqarpoq.

Thomas Fredhøj-ip Nuummut nuunnissani pissutigalugu Tasiilaq qimassavaa.