Tjekkiap futsalimi Kalaallit Nunaat 6-0-mik ajugaaffigaa

Tjekkiamut ikinngutigiittut unamminerit marluusussat siulliat ataasinngornermi unnukkut ingerlanneqarpoq.

Europami futsalertartut Tjekkiet annersaasa ilagimmassuk ajugaanissaannut ilimagineqarluarpoq, aammalumi 6-0-mik ajugaapput.

Måli siulleq minutsit arfineq-pingasut ingerlareersut, hjørnesparkimi qeqqanoorisoqarnerani David Frič misilittagartooq isertitsivoq.

Tjekkiamiut tunuarsimaartikkaat
Unamminerup aallartinnerani hjørnesparkit Kalaallit Nunaannut ulorianartorsiortitsipput. Minutsit 17-issaanni David Cupák assinganik isertitsivoq - tassa hjørnesparkimi qeqqanoorisoqarnerani tikinneqannginnami.

Kalaallit arsartut unamminermi iluatsikkiartoraluarput, minutsillu 15-it qaangiummata aatsaat Tjekkiamiut pingajussaanik isertitsipput.

David Frič kalaallit måliniittuata saamiatungaatigut isertitseqqippoq.

Ajorsarneq
Tamatuma kingorna Kalaallit Nunaat isertitsivigineqarpoq, tassani unamminerup aamma Tjekkiamiut isertitaasa sisamassaat minutsiunngitsorluunnit qaangiuttoq sukkasuumik saassussinermi isertinneqarpoq.

Taamaammallu kalaallit arsartut sukanniarlutik aalajangerput, tassami minutsit 25-it sinnerlugit Tjekkiamiut målertinngilaat.

Eqqoriaaneq iluatsittoq
Tamanna Matěj Slováčekip isertitsineranik allanngortinneqarpoq.

Unamminermi isertitaq kingulleq arsaaffiup isuanit kusanartumik isertinneqarpoq - unamminerup naammassinissaanut minutsit pingasuinnanngortut.

Ataasinngornermi Sermitsiaq.AG-p oqaluttuaraa, Tjekkiami futsalerluni arsartartoq Jiří Novotný naliliivoq, Kalaallit Nunaat unammisassaq ajornanngitsuusoq, ajoraluartumilli oqaasii eqquupput.

Atuaruk: Ataasinngornermi marlunngornermilu nunanut allanut unamminerit isiginnaakkit

Aqagu marlunngornermi Kalaallit Nunaata aamma Tjekkiap ikinngutigiittut unamminerat aappassaa ingerlanneqassaaq. Unnukkut unammineq Live Sports TV-mi isiginnaarneqarsinnaavo.

Unammineq Live Sports TV-mi toqqaannartumik isiginnaaqqiguk: Futsal Tjekkiet - Kalaallit Nunaat