silarluk
Timmisartut kinguaattooqqipput
Anorersuup timmisartuussineq marlunngornermi eqqoqqippaa kinguaattoorneqangaatsiassagatinneqarporlu
Air Greenlandip timmisartorsua Norsaq Københavnimiit Kangerlussuarmut aallareerpoq. Tassanili ilaasorpassuit utaqqigallartariaqarsinnaapput silarluk kinguaattoortitsissammat. Norsaq Kangerlussuarmi unnuiniarpoq neriuutigineqarmat pingasunngornermi uteriarnermi ataasinngornermi marlunngornermilu kinguaattoortut ilaasinnaassasut.
Atuaruk: Silarluup timmisartut kinguaattoortippai
- Ullumikkut aamma Nuummi Nunattalu ilaani sakkortuumik anorlerpoq kinguaattoortitsisumik. Ullormut timmisartuussinissat aamma Nuummiit Nuummullu timmisartuussinissat pillugit nalunaaqutaq pingasut kingorna, Air Greenland marlunngornermi ullaakkut nalunaarpoq.
Unnuissaaq
Timmisartorsuaq Norsaq Københavnimiit Kangerlussuarmut aallareerpoq pingasunngornermilu aatsaat Københavnimut uteriassalluni, taamaasiornikkut ataasinngornermi marlunngornermilu kinguaattoortut Københavnimut uteriarnerani ilaanissamut periarfissinniarneqarput.
DMIp ilimasaarutaa malillugu anorersuaq Nuummi marlunngorneq naallugu atuutissaaq anoraasuarnerit anorersuarujussuartut sakkortutigisarsinnaallutik. Anori pingasunngornermi ullaakkut aatsaat qatsuumissagatinneqarpoq.