Skip to main content

Tatiginninnginnerup kingorna: Siumut isumaqatigiinnertik takutippaat

Siumut siulersuisuuneri Inatsisartunilu gruppimi ilaasortat ulluni marlunni ataatsimeeqatigeereerput. Sapaatit akunnerni arlalinni kingullerni aaqqiagiinnginneq maanna unitsinneqarsimannguatsiarpoq.

Partiimi siulersuisuunerit Inatsisartunilu gruppimi ilaasortat ippassaq ullumilu ataatsimeereerneranni Siumumi ilaasortat nuimasut arfineq-marluk Kim Kielsenimut tatiginninnginnerat tammavissimagunarpoq.

- Siumup Siulersuisuuneri Inatsisartunilu Gruppiata 17, - 18. September ataatsimeeqatigiinnerminni ataatsimoorlutik nalunaarutigaat Naalakkersuisooqatigiinnermi isumaqatigiissutit Inatsisartunilu aalajangiunneqartartut aallaavigalugit toqqissisimasumik paaseqatigiiffiusumillu Nalakkersuinikkut siuttuunermi ingerlaqqittoqassasoq, tusagassiutinut nalunaarummi, siulittaasumit Kim Kielsenimit aamma Inatsisartut gruppiata siulittaasuanit Karl-Kristian Krusemit nassiunneqartumi allassimavoq.

Sallaatsumik oqaasertaqartoq

Inatsisartuni Siumut sinnerlugu ilaasortat arfinillit aamma naalakkersuisoq Erik Jensen tusagassiutinut nalunaaruteqarput Kim Kielsen Siumumi siulittaasutut aamma Naalakkersuisut siulittaasuattut tatigiunnaarlugu. Taama nalunaareernerup kingorna Siumumi immikkoortortaqarfiit arlalissuit Kim Kielsenimik tatiginninnertik uppernarsarpaat.

Tamassuma kingorna akerliusut arfineq-marluk oqaaseqartartuata, Anders Olsenip, Kim Kielsenimik tatiginninnginnini attatiinnarlugu erseqqissaatigaa.

LÆS OGSÅ: Takussutissaq: Siumut ataatsimoorlutik oqaaseqaataat aajuna

Ullumi nalunaaruteqarneq ima paasineqartariaqarpoq akerliusimasut arfineq-marluk Kim Kielsenimut tatiginnikkunnaarnermik taasititsinissamik piumasaqarnavianngitsut imaluunniit tatiginnikkunnaarnermik taasititsiumasut allat tapersersornavianngikkaat.

Ataatsimoorussamik nalunaaruteqarnermi oqariartuutigineqartut sallaatsunnguanik oqaasertaqarput.

- Suliat annertoorsuit, soorlu angallannikkut aaqqissuusseqqinnerup, aalisarnikkut aaqqissuusseqqinnerup kiissalu nunatta tunngaviusumik inatsiseqalernissaanut suliap ajunngitsumik naammassineqarnissaat Siumumiit pisariaqarluinnartutut isigineqarput, oqaaseqaatigineqarpoq.

Anders Olsen oqimaatsunik aqqusaagaqarnini pissutigalugu politikkikkut apeqqutit pillugit ullumi oqaaseqarsinnaanngilaq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER