Skip to main content

Takussutissaq: Siumut ataatsimoorlutik oqaaseqaataat aajuna

Sapaatit akunnerni kingullerni arlalinni eqqissisimanngitsoqareersorlu Siumut siulersuisuuneri Inatsisartunilu gruppia ataatsimoorussamik nalunaaruteqassallutik isumaqatigiipput.

Siumumi ilaasortat nuimasut arfineq-marluk Kim Kielsenimut tatiginninnginnertik augustimili nalunaarutigimmassuk, kingornalu Siumumi immikkoortortaqarfiit amerlanerussuteqangaatsiartut Kim Kielsenimik tapersersuillutik nalunaaruteqareeraluartut, partiip iluani toqqissisimanngittoqaraluarpoq.

Siumumi siulersuisuunerit Inatsisartunilu gruppip ataatsimoorlutik ulluni marlunni ataatsimeeqatigeereernerisa kingorna ataatsimoorussamik oqaaseqaateqarnissaq isumaqatigiissutigineqarpoq. Oqaaseqaat uani atuarsinnaavat:

Siumup Siulersuisuuneri Inatsisartunilu Gruppiata 17, - 18. September ataatsimeeqatigiinnerminni ataatsimoorlutik nalunaarutigaat Naalakkersuisooqatigiinnermi isumaqatigiissutit Inatsisartunilu
aalajangiunneqartartut aallaavigalugit toqqissisimasumik paaseqatigiiffiusumillu Nalakkersuinikkut siuttuunermi ingerlaqqittoqassasoq.

Siumumiit ataatsimoortumik pingaartinneqarpoq suliassarpassuit nunatsinnut inuiaqatigiinnullu pingaaruteqarluinnartut matumani qinigaaffimmi naammassineqarsinnaasut ajunngitsumik
naammassineqarnissaat aammalu Nunatsinni aningaasarsiornikkut siuariartornerup suliffissaaleqinerullu ataatsimut isigalugu annikilliartornerata ingerlateqqinnissaat.

Suliat annertoorsuit, soorlu angallannikkut aaqqissuusseqqinnerup, aalisarnikkut aaqqissuusseqqinnerup kiissalu nunatta tunngaviusumik
inatsiseqalernissaanut suliap ajunngitsumik naammassineqarnissaat Siumumiit pisariaqarluinnartutut isigineqarput.

Ukiuni tulliuttuni Inuiaqatigiinnut pingaaruteqarluinnarpoq, nunatsinni inuit atugarisaasigut pitsanngorsaanissarput minnerunngitsumik ilaqutariit, meeqqat, inuussuttut utoqqartartatta, innorluuteqartut innarluuteqalersimasullu atugarisaasa pitsanngorsartuarnissaat. Taamaammat ukiuni tulliuttuni aammalu
matumani Inatsisartut ataatsimiinissaanni suliassarpassuarnut tamakkununnga Siumut pingaartitsilluni suleqqinniarpoq.

Tamanut ajunngitsumik kissaassilluta.

Kim Kielsen, Siulittaasoq.

Karl-Kristian Kruse, gruppip siulittaasua.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER