bilagimut suliaq
Siumut Aleqa pillugu suliamut akuersaanngilaq
Partiip siulersuisuunerisa suliaq oqallisigissavaat
Aleqa Hammondip Folketingimi kreditkorti atorlugu imminut pisinniussimanera akuersaarneqarsinnaanngilaq.
Folketingimi ilaasortap bilagimut suliarititaa pillugu Siumut qisuariaateqarluni taama naqissusiivoq. Partiip ulluinnarni aqutsisuisa ataasinngornermi ataatsimeereernerisa kingorna akuersaannginneq tusagassiuutitigut nalunaarutigineqarpoq.
Unioqqutitsilluni
Folketingimi ilaasortaq sapaatip-akunnerini pingasuni Folketingimi kreditkorti atorlugu imminut aningaasanik 12.900 koruuninik unioqqutitsilluni atuisimasoq, sapaatip-akunnerata naanerani Ekstra Bladep saqqummiutereeraalu isornartorsiuisoqarpoq.
Korti taamaallaat ataatsimiinnermut atatillugu assersuutigalugu taxanut aamma timmisartornermut atorneqarsinnaavoq.
Ajornartoornermi
Aleqa Hammondip nassuiaatigaa, nammineq kredit kortini akiliut peqquserluffigineqarsimammat ajornartoornerusoq, suliarlu pillugu ajusaarnerarpoq.
Atuaruk: Aleqa Hammond: Ajornartoornermi korti atorpara
Atuaruk: Hammond: Isornartorsiorneqarnera paasilluarsinnaavara
Inuusuttunit isornartorsiorneqartoq
Siumup inuusuttortaata SIS-ip Aleqa Hammond tamanna pillugu aamma isornartorsiornikuuaat.
Atuaruk: Siumup Inuusuttaasa Hammond isornartorsioraat
Partiimi siulittaasoq Kim Kielsen aamma ilisimatitsivoq, paasissutissat ersarinnerusut pissarsiarineqareerpata partiip siulersuisuunerisa suliaq ingerlateqqissagaat.
Atuaruk: Aleqa Hammond: Ajornartoornermi korti atorpara
Atuaruk: Hammond Borgenimi ataatsimiittoq