Skip to main content

Sisorarfinnit qinnuteqaatip tulliata sukumiisumik misissornissaa neriorsuutigigaa

Ataatsimiititaliap siulittaasua paasissutissiivoq, suliniutit allat Sisorarfinnit ukiuni kingullerni pingaartinneqarnerusimasut

Nuuk Ugeavisip Sisorarfinnut atatillugu borgmesteri oqaaseqartinniarsimagaluarpaa. Saaffiginnissulli Meeqqanut Atuarfeqarnermullu Ataatsimiititaliap siulittaasuanut, Henrik Rachlevimut (IA) ingerlateqqinneqarsimavoq, taannalu akissummi naatsumi ataatsimiititaliami pingaarnersiuinerit pillugit nassuiaateqarluni.

Sammisaqartitsinermut periarfissat pingaaruteqartut

Ataatsimiititaliap siulittaasuata kommunimit timersornikkut periarfissanik siamasissunik neqerooruteqarnissamut sinaakkutissanik pilersitsiniarnerit tapersersorneqartarnissaata pingaaruteqarnera oqaatigaa. Tamanna Nuummi innuttaasut aalanissamut periarfissaqarluarnissaata pingaaruteqarluarneranik tunngavilersorpaa.

LÆS OGSÅ: D: Sisorarfinnut tusaaniarpallaartoqarsimanngilaq

Siunissaq timersortartunit pilersinneqassaaq

Henrik Rachlev isumaqarpoq, ukiuunerani timersuutit qanoq ineriartornissaannut kommuni politikerillu annerusumik akuliuttussaanngitsut. Akerlianik isumaqarpoq, ukiuunerani timersuutinik aallussisut aqqutigalugit ineriartortitsisoqassasoq. Majuartaalli pineqartillug ataaseq ersarilluinnarpoq.

- Aallarniutigalugu oqaatigilara, ullumikkut majuartaat mittarfiup inissisimaffianit sunneqarnavianngimmat, taamaattumillu atortut ullumikkut iluseqarlutik suli ukiorpassuarni ingerlateqqinneqarsinnaammata, Meeqqanut Atuarfeqarnermullu Ataatsimiititaliap siulittaasua, Henrik Rachlev, allappoq.

Sisorarfiit inissisimalluartoq

Maskiina sisorarfigissaatit nungullarsimasut Sisorarfinnit sulinermut atorneqarnerat naammagittaalliuutigineqartut eqqarsaatigalugit Henrik Rachlev tunngavilersuivoq, aningaasaateqarfik inissisimalluartoq, AWG-p ukiut sisamat matuma siorna ingerlanneqartup pinissaa sioqqullugu pistemaskinamik nutaamik pisaartoqarsimammat. Aamma erseqqissaalluni oqarpoq, ingerlatsinermut tapiissutit 2,7 millioner koruuniusut kommunimit Sisorarfinnut tunniunneqartartut, kommunimi tapiissutigineqartarunit amerlanerpaat akornanniittut.

- Ataatsimiititaliap siulittaasuata nutaajuvunga, kisianni nalunngilara ataatsimiititaliamit suliniutit allat Sisorarfinnut taarsiullugu qaffasinnerusumik ukiuni kingullerni pingaarnersiorneqarsimasut, Henrik Rachlev oqarpoq nangillunilu: - Neriorsuutigisinnaasuatara tassaavoq, Sisorarfiit aappaagumut qinnuteqaataannik sukumiisumik misissuiumaarnera.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

Seneste Ugeavis

SENESTE NUUK - NYHEDER