Skip to main content

Sara borgmesterinut: Akisussaaffigaarsi

Nakkutilliinermi nalunaarusiap takutippaa Nunatsinni illoqarfinni tamani meeqqat pillugit suliassat ajornartorsiutigineqartut. Ajornartorsiulli qanoq aaqqiissuteqarfigineqarnissaa pillugu, Naalakkersuisoq Sara Olsvigip borgmesterit ataatsimeeqatigisimavai.

Nunatsinni illoqarfiit tamarmik ajornartorsiuteqarput, ingammik meeqqanut suliat pillugit.

Tamanna Namminersorlutik Oqartussat nakutilliisuaninit takutinneqarpoq. Taakku illoqarfiit pingasut kisiisa pinnagit tikeraarsimavaat, piffinnilu tamaginni ajornartorsiortoqartoq paasineqarsimalluni. Qaanaaq, Upernavik Ilulissallu maannamik kisimik tikeraarneqarsimanngillat; tikeraarneqarneqassappulli.

Borgmesterinik ataatsimeeqateqarneq

Ajornartorsiuteqarnerlu pissutigalugu Isumaginninnermut Ilaqutariinnermulli Naalakkersuisup, Sara Olsvigip (IS) borgmesterit sisamat ikaarsaariarnermilu ataatsimiititaliami siulittaasut marluk ataatsimeeqatigisimavai.

- Ataatsimeeqataarusussuseqarluarput, tamanna assut nuannaarutigaara, Sara Olsvig (IA) Sermitsiaq.AG-mut oqarpoq.

Ataatsimiinnernilu taanna ersarissumik oqariartuuteqarsimavoq.

- Pingaartippara erseqqissaatigissallugu, akisussaaffik borgmesterimiillunilu kommunalbestyrelsimiimmat, Sara Olsvig (IA) oqarpoq.

- Isumaginnittoqarfinni suliaqartut ikippallaarsinnaapput, allaffissornikkut aqutsisoqarnikkulli unammilligassaqarpoq, kisianni akisussaaffik sumi inissisimanersoq tamatumunnga allannguuteqanngilaq.

Ajornartorsiuteqarneq nassuerutigigaa

Taanna misigisimavoq qqariartuutigineqartoq borgmesterinit tigulluarneqarsimasoq.

- Borgmesterit annertunerpaamik akisussaaffeqarlutik isumaqatigiissutigaat, pitsaanerusumillu iliuuseqartariaqartugut nalunngilaat, Sara Olsvig (IA) oqarpoq.

Juunip qaammataani nakkutilliinermik nalunaarusiami takuneqarpoq Nuuk isumaginninnermut siunnersorterpassualik, meeqqat pisariaqartitsineranni sukkasuumik iliuuseqarniapiloorlutillu eqqortumik iliuuseqarniapiloortartut.

- Nakkutilliinermi nalunaarusiamit sumiluunniit ajornartorsiuteqarpoq, qularinngilarali tamakku pissutsit nassuerutiginninnermut pissutaaqataasut.

Naak isumaginnittoqarfimmi suliassat kommuninit akisussaaffigineqaraluartut, Naalakkersuisut ikiuuteqarnissaminut piareersimasut, Sara Olsvig (IA) oqarpoq.

Isumaginninnermut aqutsisoqarfik ikiuussinnaasoq

Taassuma isumaginninnermut aqutsisoqarfik pilersinneqaqqammertoq kommuninut tapersersuisinnaasutut tikkuarpaa.

Aammattaaq taanna kommunit suleqatigalugit suleqatigalugit suleriaatsinik nutaanik ineriartortitsissaaq suulli pitsaanerunersut misilittakkat katersornerisigut paasineqassallutik.

- Tassani aamma pingaaruteqarpoq kommunit ineriartortitsinermi suleqataanissaat. Taakkuuppummi ulluinnarni suliaqarnernik misilittagallit.

Kommunit assigiinngitsut ataatsimeeqatiginerini oqaluuserisassat assigiissimapput, sulinerulli ingerlaqqinnissaa pisariaqartoq tamarmik isumaqataaffigaat.

- Atorfilittat Isumaginninnermut aqutsisoqarfik akunnermiliullugu ataatsimiinnerit arlallit ingerlanneqartarumaarpaat. Uangalu borgmesterinik arlaleriarlunga ataatsimeeqatiginnittarumaarlunga, Isumaginnermut Naalakkersuisoq, Sara Olsvig (IA) naqissusiivoq.

Aamma atuakkit:
 

Meeqqat puigukkat

Asii: Ukiut marluk ingerlanerini iluarsineqassaaq

Tasiilami suli sumiginnaasoqartoq

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER