Aaja: Inatsiseqarnermut tunngasut pillugit naalakkersuisut anguniagaqannginnerat ajuallannarpoq

Nunatsinni inatsiseqarneq pillugu nukittorsaanissarsuaq Folketingimi taasineq amerlanerussuteqanngilluinnarpoq.

Aaja Chemnitz Larsen-p (IA), Nunatsinni politeeqarfiit, eqqartuussiviit pinerluttunillu isumaginnittoqarfik nukittorsarniarlugit siunnersuut saqqummippaa.

Susassaqarfik kinguaatsoorujussuartoq pineqarpoq taamaattumillu nukittorsaanissarsuaq pisariaqartinneqarpoq, Aaja Chemnitz Larsen (IA) Sermitsiaq. AG.-mut taama oqarpoq.

Siunnersuut akisuvallarpoq

Partiit tamarmik nassuerutigaat iliuuseqarnissaq pisariaqartinneqartoq.

Kisianni tassa naalakkersuisut Socialdemokratillu siunnersuut angusaqarluarniarpallaarnerarlugu tunngavilersuipput taamaattumillu akisuvallaarnerarlugu.

Justitsministeri Søren Pape Poulsen (K) tamassuma saniatigut isumaqarpoq iliuusissamit pingaarnersiuneq taamaallaat Naalakkersuisunit suleqateqarnikkut pisinnaasoq.

Naak inersuarmi arlalinnik apeqquteqartoqaraluartoq sumit iliuuseqarnissaq pisinnaanersoq oqaaseqarfigiumanngilaa.

- Ajuallannarpoq naalakkesuisut inatsiseqarnikkut susassaqarfiit pillugit anguniagaqannginnerat, naak nassuerutigineqaraluartoq ilumut pisariaqartitsisoqartoq, Aaja Chemnitz Larsen (IA) oqarpoq.

Aningaasaqarnikkut inatsitsimmit aningaasanik piniarsarineq.

Naak siunnersuut akuerineqanngikkaluartoq Aaja Chemnitz Larsen (IA) sakkortuummik sulissutigiinnarusuppaa allaat aappagumiit pitsanngorsaasoqalernissaa.

Partiimmi allat akornini kaammattorneqarnissi suliaralugu aallartereerpoq, susassaqarfik aappaagumut aningaasaqarnermut inatsimmit immikkut aningaasaliisoqarnissaa anguniarlugu.

Danskit kalaallillu akornanni politiit paarnaarussivinnilu sulisut akissarsiaat assigiinnginneri pillugit tuaviornerpaamik suliassaasut isumaqarpoq.

- Paarsissutatut atorfinitsitavut ajunnginnerpaamik atugassaqartittariaqarpavut. Aaja Chemnitz Larsen (IA) taama oqarpoq.