Narsarsuaq
Politiit: Narsarsuarmi teriannissat qaasuttut mianersuussigit
Kujataani politiit Narsarsuarmi innuttaasunut teriannissanut mianersornissaannik maanna aarlerisiaaripput
Sermitsiaq.AG-p sisamanngornermi allaaserinninneratut, iniut silami angallannerminni teriannianik kiisortoqarmat mianersussasut, Paamiuni politiit kajumissaaripput.
Maannalu Kujataani politiit tusagassiuutinut nalunaarummi allapput, Narsarsuarmi aamma qaasuttunik terianniaqartoq.
Atuaruk: Paamiuni perlerortoqarneranik pasilliuteqartut
Upannittut
- Piffissami kingullermi arlalinnik saaffigineqarpugut, teriannissat inunnik upannittaqattaartut. Taamaammut politiit Narsarsuarmi eqqaanilu najugaqartut, teriannianik takussagunik mianersoqqullugit aarlerisaarpaat, immikkoortortami pisortaagallartoq Laila Thomassen Fleischer ilisimatitsivoq.
Innuttaasut teriannianik qaasuttunik naapitsissappata, Steen Ole Jensen, Narsami teknikkikkut immikkoortortamiittoq, oqarasuaat 38 15 39-mut saaffigeqqullugu politiit kaammattuipput.