Paamiuni perlerortoqarneranik pasilliuteqartut

Paamiuni teriannianik kiisortoqarnera paasineqarpoq. Nunatsinni Politiit tusagassiuutinut nalunaarummi taama ilisimatitspput.

Inuttaasut silami angallatsillutik mianersorluarnissaannik politiit taamaammat kaammattuipput. Tamatuma saniatigut aamma teriannissat takuneqartillugit qanilleqquneqanngillat.

Terianniamik arlaqartunilluunniit takusoqartillugu, Paamiuni politiinut sianertoqarnissaa kaammattuutigineqarpoq.

Paamiuni politiit teriannissat kiisortut pisariniarsarigaat, pisortap Katrine Johnsenip ilisimatitsissutigaa, maannamulli iluatsitsisimanngillat.

- Takugaluarpaat, kisianni pinerit tamaasa qimaasoorutigisarpaat. Taamaammat innuttaasut takunnittut piaartumik sianertarnissaat kaammattuutigaarput, taanna oqarpoq.

Politeeqarfiup ammasarfiata avataatigut aamma inuit sianertassapput.

Politiit maannamut inunnik kiitittoqarsimaneranik qulakkiikkanik paasissutissaateqanngillat.