Politiit arfininngornermi suliassakinnerusimasut
Kalaallit Nunaanni Politiit tallimanngornermut sanilliullugu arfininngornermi eqqissisimanerusimapput. Pinartoqarsimanngilaq.
Kalaallit Nunaata Politiivi tallimanngormat nalinginnaasumit ulapputeqarnerusimapput.
Maannali suliassat ikinneruleqqittut, Kalaallit Nunaata Politiivini pigaartut pisortaat, Mads Lynge Sermitsiaq.AG-mut oqaluttuarpoq.
- Aalakoorlutik biilertut marlussuit unitsippagut, angerlarsimaffimmi eqqissiviilliortut ataasiakkaat aammalu imminut toqunnissamik siorasaaruteqartut ataasiakkaat aamma ornippagut. Ataatsimulli isigalugu unnuaq eqqissisimanarneruvoq, Mads Lynge Sermitsiaq.AG-mut oqarpoq.
Politiit sineriak tamakkiusarlugu tallimanngornerup unnuaani suliaqangaatsiarsimapput. Angerlarsimaffimmi eqqissiviilliortitsisut, silami eqqissiviilliortitsisut persuttaasullu arlallit ornittariaqarsimavaat. Qaammatip qiteqqunnerani taama suliassaqartigineq politiinut nalinginnaasuunngilaq.
Politiilli arfininngornerup unnulerneranit sapaatip tungaanut sianerfigitippallaarsimanngillat.