Skip to main content

Pilersuisup naatsiiat tonsit marlunnik annertussusillit igikkai

Naatsiiat Avannaanut apuukkamik qerillutik ajortereersimapput. Nassiussat nutaat timmisartukkuussapput

Qaanaami Pilersuisup ukiuunerani pisiniarfimmi naatsiiat tonsit marlunnik annertussusillit tuninigassaraluatik nuannaarutigivallaanngilaat.

Nerisassat umiarsuarmik pajuttaammik aggustip naanerani kingulliugallartumik tulaanneqarput. Usiilu pisariaqarsimapput, tassami ilisiviit qangali imaarutereermata.

Qerisut
Taamaattorli 'Arina Arctica' tulammat, naatsiiat qerillutik ajortereersimapput.

- Qaanaami innuttaasunut naatsiiat nerineqarsinnaajunnaarsimammata tuniniarneqarsinnaanngillat. Kisianni oqaatigisinnaavara nioqqutissanik nutaanik allatsitsereertugut. Ilulissant nassiunneqassapput, tassanngaanniillu nalinginnaasumik timmisartumik Qaanaamut nassiunneqassapput, KNI-mi attaveqarnermut pisortaq Sofia Geisler ilisimatitsivoq.

Aaqqiissutaagallartoq
Oktoberip naanerani Pilersuisup ilisiviini naatsiiaqaleqqissasoq taassuma naatsorsuutigaa. Ilanngullugu oqaatigaa, aaqqiissutaagallartumik Upernavimmiit naatsiianik tikittoqassasoq, Ilulissaniit tikittoqarnissaanut utaqqiisaasumik.

Sofia Geislerili neriuorsuisinnaanngilaq naatsiiat taarsiissutaasut tonsit marluussanerinik. Qularnaveeqquserpaali innuttaasut aappaagu juulimi umiarsuaqaqqinnissaanut naatsiiassaaleqinavianngitsut.

Containeri
Royal Arctic Linemi attaveqarnermut pisortap Jakob Stømip nassuiaatigaa, naatsiiat aqqutaani qerititsivimmiitinneqarsimanngitsut. Maannalu qanorpiaq pisoqarsimanersoq tassa misissorneqaleruttorpaat.

- Maannamuugallartorlu oqaatigineqarsinnaavoq, kukkusumik nillissusiliisoqarsimanngitsoq. Ataavartumik elektoniskimik nalunaarsuisartumik nakkutilliisoqarpoq. Sillimmasiinermullu immikkoortortaqarfitsinniit tamanna pillugu misissuisoqaleruttorpoq, tamannalu misissuineq piffissaq sivisooq atorlugu ingerlasinnaasoq Jakob Strømip nassuiaavoq.

Peqqutaasorlu qukakkeerneqartinnagu, nioqqutissat ajortinnikut kiap akilissanerai oqaatigineqarsinnaanngikkallarpoq. 

KNI-ip attaveqarnermut pisortaata qularnaveeqquserpaa, naatsiiat timmisartumik nassiunneqaraluarpataluunniit akiat qaffannavianngitsoq.

Aamma atuaruk: Qaanaaq: Aamma sodavanderpassuit kasiilerneqarput

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER