Nuummi qamuteralannik ajutoortoqartoq
Nuummi sapaatiummat qamuteralalluni ajutoortoqareernerani angut napparsimmaviliaanneqartariaqarsimavoq.
Qamuteralalluni ajutoortoqareernerani qamuteralannik annaassiniaasut sapaammi ikiuuttariaqarsimapput. Ajutoorneq Nuup kangiatungaani, Ammukariami, qamuteralaffiusartumi pivoq.
- SAR gruppi sukkaanaq ajutoorsimasoq ikioriartorpaa, ajoqqusersimasorlu ikiorlugu, Qamutit SAR group Facebookimini allappoq.
Annaassiniaaneq politiit peqqinnissaqarfillu suleqatigalugit ingerlanneqarpoq.
Peqqinnissaqarfiliaanneqartoq
- Ajutoorneq pillugu nalunaarut nal. 16.00 tiguarput. Nalunaarusiaq naapertorlugu angut tuimigut taliminillu akornusersimavoq, Kalaallit Nunaata Politiivini pigaartut pisortaat Palle Augustinussen Sermitsiaq.AG-mut ilisimatitsivoq.
Akornusersimasoq ajutoorfimmiit umiatsiamik Nuummi peqqinnissaqarfiliaanneqarsimavoq.
Ajutoorneq qanoq pisimanersoq pillugu politiit paasissutissaateqanngillat.
Ukiuni kingullerni qamuteralannik ajutoortut arlaqarput, ilaallu annaasaqarnermik kinguneqartarlutik.
DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...