Nuummi inissianut suliniuterujussuarmi una suliaqartuuvoq
Comby A/S-imi It-lerinermi pisortaq Brian Torp, Kommuneqarfik Sermersuumi inissianut atungassamik nunaminertamik atuinissamut immikkoortitsiffigineqarnissamik qinnuteqartuuvoq. Inissiat 160-it Qinngorput isuani sananeqarnissaat qinnutigineqarlutik.
Brian Torpip inissianut suliniummi kina suleqatiginerlugu oqaatigerusunngilaa. Suliniummut tnt nuuk titartaasuuvoq, maannalu ingerlatsivik illoqarfiillu pingaarnersaanni politikerit suliniummut isummertussanngorlutik.
Isumassarsiaannaq
- Nunaminertamik immikkoortitsiffigineqartinnanga tamanna isumassarsiaannaagallarpoq. Aap, piviusunngussanersormi ilisimanngilarput. Qinnuteqaat akuerineqarpat suliniut oqaluttuarerusuppara, kikkullu aningaasaliisuussanersut, Brian Torp Sermitsiaq.AG-mut ilisimatitsivoq.
Pingasunngornermi apriilip qulingani aningaasaqarnermut ataatsimiititaliap qinnuteqaat kommunalbestyrelsemut ingerlateqqippaa, tassanilu amerlanerussuteqartut akuerippassuk suliniut sapaatit akunnerini arfineq-pingasuni tusarniutigineqassaaq.
Taassuma naatsorsuutigaa neriuutigalugulu nunaminertamik immikkoortitsiffigineqarnissamik qinnuteqaat aggustimi akuerineqassasoq, taamaasilluni suliniut aallartissinnaalissalluni.
- Ilisimatitsissutigisinnaavarali suliniut aningaasalerneqareerpoq, Brian Torp paasititsivoq. Taanna siornatigut Qinngorpumi inissianik sanaartortitsereernikuuvoq inissialiornernullu allanut aningaasaleeqataasuusimalluni.
Inuussutissarsiortoq sulilluartoq
Brian Torp nutaaliortuuvoq sullarissoq. Ingerlatseqatigiiffiit nalunaarsuutaat malillugu ingerlatseqatigiinnik sisamanik pigisaqarpoq, tassani MB Invest Anno 2006 A/S pingaarnersatut inissisimasutut taaneqarsinnaagunarluni. Ingerlatseqatigiiffik taanna 2018-imi 3,2 milliuunit koruuninik sinneqartooruteqarpoq 13,5 milliuunit koruuninillu namminerisamik aningaasaateqarluni.
Ingerlatseqatigiiffiup Investip It-mik suliaqartup Comby A/S-ip 93,53 procentia pigaa, taannalu ukiuni tassani milliuunilikkaanik aamma sinneqartooruteqarluni.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...