Tunngaviusumik inatsisissaq
Nunatta tunngaviusumik inatsisissaata naalakkersuisooqatigiit avissaartuutsippai
Pingajussaanik iluatsitsisoqartarpoq: Tunngaviusumik Inatsisiliornissamik isumalioqatigiissitamik pilersitsinissamik nassuiaat 2016-imi naammassineqassasoq Naalakkersuisut neriorsuutigaat
Siumukkut tunngaviusumik inatsisiliornissamik piareersaasiortussamik isumalioqatigiissitamik aappaagu pilersitsinissaq anguniarpaa, Atassut nangaavoq Demokraatillu akerliulluinnarput.
Partiit naalakkersuisooqatigiit pingasut avissaartuuteqqavissorput, Inatsisartunili amerlanerussuteqarluartut, Siumukkut, Inuit Ataqatigiit Partii Naleqqallu, tunngaviusumik inatsisiliornissamik suliniut sukkaatsorujussuutippaat.
Inatsisartuni ilaasortanit 31-iusunit, 25-it piumasaqaataat toqqaannanngitsumik sakkortuumilli Naalakkersuisuusimasunik kingullernik pingasunik sakkortuumik isorinninneruvoq.
Maannakkut qinersineq
Aqqaluaq B. Egede Inuit Ataqatigiinneersoq Siumukkormiullu 2011-mi Inatsisartut upernaakkut ataatsimiinneranni, tunngaviusumik inatsisiliornissamik isumalioqatigiissitamik Naalakkersuisut pilersitsissasut siunnersuutigaat. Siunnersuut Inatsisartunit taperserneqarpoq, Naalakkersuisulli nassuiaammik tunngaviusumik inatsisiliornissamik isumalioqatigiissitamik pilersitsinissamut toqqammavissamik nassuiaasiornissamik kaammattuutaat akueraat.
Naalakkersuisut Kuupik Kleistimit siulersorneqartut 2012-ip naanerani nassuiaammik saqqummiussisussaapput, 2013-imili marsimi qinersinissaq sioqqullugu suliassartik naammassinngitsoorpaat.
Atuaruk: Tunngaviusunik inatsisinut piumasaqaat nutaaq
Naalakkersuisut nutaat Aleqa Hammondimit siulersorneqartut suliaq nangillugu ingerlappaat, 2014-imili novembarimi maanaannakkut qinersisoqarnera sioqqullugu taakku aamma suliassaq naammassinngitsoorpaat.
Naalakkersuisut maanna atuuttut Kim Kielsenimit siulersorneqartut tunngaviusumik inatsimmut apeqqummut tunngatillugu avissaartuulluinnarsimapput, apeqqullu taanna Siumup, Atassutip Demokraatillu naalakkersuisooqatigiinnissamik isumaqatigissutaanni allassimanngilaq.
Allaaserisaq tamaat Sermitsiami saqqummertumi atuaruk, uani pisiarisinnaavat: