siunissaa nalunartoq
Nunaminerals nakkaalluinnalersoq
Akilersuijunnaarneq maajip ulluisa 15-iani qaangiuppoq, kalaallilli aatsitassarsiortitseqatigiiffiata qanoq inissisimanera suli paasinarsinngilaq
Anorersuaq natsikkaluttuarpoq.
Taamak kalaallit aatsitassarsiortitseqatigiiffiata NunaMinerals A/S-ip sapaat 15. maajimi akilersuijunnaarnerata qaangiunnerata kingorna inissisimanera oqaatigineqarsinnaavoq.
Atuaruk: Nunaminerals periarfissaarutilerpoq
Aviisip naqiterneqartussanngornerata nalaani periarfissat pingasuupput.
-
NunaMinerals ingerlaqqissinnaavoq.
-
Suliffeqarfik imminut akiliisinnaajunnaartutut nalunaarutigisinnaavoq.
-
Akiligassaqarfiit ilaata ataatsip suliffeqarfiup akiliisinnaajunnaartutut nalunaarutigineqarnissaa piumasarisinnaavaa.
Periarfissalli arlaat suliffeqarfiup aningaasatigut annertuumik ajornartorsiorneranut aniguiffiujumaarnera suli paasinarsinngilaq.
– NunaMinerals akiitsoqarfimminut akiliinissamik aningaasanik pisariaqartinneqartunik nassaanngippaat, suliffeqarfik atorunnaarsinneqassasoq, tuluk suliffeqarfinnik ingerlatsisoq Patrick Newmann, suliffeqarfiup Nuummi 2015-imi januaarip 29-iani immikkut ittumik ataatsimeersuarnerani annaassinissamut pilersaarummik saqqummiussisoq oqarpoq.
Atuaruk: Nunaminerals ukioq ataaseq akilersuiunnaaqqavoq
Qaammatit 16-it ingerlaneranni aningaasat pisariaqartinneqartut nassaarineqanngitsoorput, piginneqatigiissitillu piginneqatigiissutinik annertuunik pigisaqartunut pingasunut, piginneqatigiissutinillu annikitsunik piginnittunut 3.000-inut suli agguarsimapput.
Namminersorlutik Oqartussat piginneqatigiissutit 33,41 procentinik piginnittuupput, Professionel Forening Ld Hf 16,89 procentinik kiisalu Nykredit Bank 9,71 procentinik piginneqataassuteqarput.
NunaMineralsip ullui qaangiukkaluttuarput, Patrick Newmanili suli suliffeqarfup matuneqarnissaanut piariivinngilaq:
– Game isn't over yet! (Suli tunniutiinnanngilagut!)
Atuaruk: Akilersuiunnaarneq qulissaanik sivitsorneqartoq
Allaaserisaq tamaat Sermitsiami uani sapaatip akunnerani saqqummertumi atuaruk. Aviisi aamma uani pisiarisinnaavat: