NunaMinerals

Akilersuiunnaarneq qulissaanik sivitsorneqartoq

Pigisanik agguaassisarnermut eqqartuussiviup Nunamineralisip akilersuiunnaarnera aammaarluni sivitsoqqippaa

Kalaallit Nunaanni pigisanik agguaassisarnermut eqqartuussiviup Nunamineralsip akilersuiunnaarnera sivitsorteqqippaa. Ingerlatsivik taamatut nalunaaruteqarpoq.

Akilersuiunnaarneq maannakkut apriilip 22-ata tungaanut sivitsorneqarpoq. Eqqartuussiviullu taamatut aaqqiissuteqarneq qulissaanik sivitsortippaa.

Taassuma saniatigut suliffeqarfik akilersuiunnaarnerminit ukioq ataasinngulerpaa, suliffeqarfik inatsisitigut ikiorserneqarluni aningaasaqarnikkut tunngavissamik nutaamik inissiinissamik, akiligassaqarfigisat akuerisinnaasaanik pilersitsiniarsarivoq.

Ingerlatsivik aatsitassanik ujaarlernermik suliaqartoq maajip 15-ani 2015-imi akilersuiunnaarluni aallartippoq.

Atuaruk: Nunamineralsip aaqqissuuteqqinnera kinguartoorpoq

Nakkutilliisut akuersipput
Ingerlatsiviup piumasaqarneratigut akilersuiunnaarnerup sivitsoqqinneqarnera nakkutilliisunit akuerineqarluni aalajangerneqarpoq. Taakku eqqartuussissuserisumit Søren Aamann Jensen advokatfirmamit Kromann Reumertimit Københavnimeersumik kiisalu eqqartuussissuserisoq Niels Hansen Damm, Advokatfirmaet Malling og Hansen Dammimit Nuummersunit inuttaqarpoq.

Nakkutilliisut akiligassaqarfiup soqutigisaat aallavigalugit sullissinissaq suliassaraat. Taamaattumillu aalajangiinerit annertuut suliffeqarfiup ingerlatai nakkutilliisut akuerisartussaavaat.

Powered by Labrador CMS