Kalaallit Nunaanni tusagassiuutinik atuineq pillugu ilisimatuussutsikkut nalunaarusiaq qulequtaqartoq ”Kalaallit Nunaanni tusagassiuutinik misissuineq”, oktobarip 24-anni 2018-imi saqqummiunneqartoq KNR-imi Sermitsiaq.AG-mi aviisinilu AG-mi aamma Sermitsiami ilanngutassiarineqarpoq.

Sakkortuumik isornartorsiuineq

Nalunaarusiap imarisaa AG-mi aaqqissuisuunermit Christian Schultz-Lorentzenimit, aamma Tusagassiorfimmi Sermitsiaq.AG-mi siulersuisunut siulittaasumit Jørgen Ejbølimit sakkortuumik isornartorsiorneqarpoq. Jørgen Ejbølip ilaatigut oqaatigaa, ”Ilisimatusarfiup nalunaarusiaq tunuartittariaqaraa”.

- Misissuineq pissutsinut piviusunut naapertuutinngilluinnartoq naammaginngeqaara. Tassalu aviisit AG aamma Sermitsiaq tassaasut Naalakkersuisut qinersisissaminnik pissarsiniarfittut atugarigaat, imarisaasalu annersaat toqqaannartumik tusagassiuutinut nalunaarutineersuusut, tamannalu eqqunngilluinnarpoq, Jørgen Ejbøl aviisimi Sermitsiami novembarip aappaanni isornartorsiuinermini ilaatigut oqarpoq.

Ilisimatusarfimmi qullersat allaaserisat pingasut, tusagassiorfimmit ilanngutassiarineqartut, Tusagassiinermut tunngasuni aalajangiisartunut maalaarutigaat, pitsaasumik tusagassioriaaseqarneq allaaserisani pingasuni unioqqutinneqarsimasoq isumaqaramik.

Tusagassiinermut tunngasuni aalajangiisartut aalajangernerat

Tusagassiinermut tunngasuni aalajangiisartut aalajangerneranni ilaatigut allaqqavoq:

”Tusagassiorfiup Sermitsiaq.AG-p aaqqissuisuunermit Christian Schultz-Lorentsenimit aamma siulersuisunut siulittaasumit Jørgen Ejbøl oqariartuutit saqqummiunneqartut isornartorsiorneqarnerunissaannik Ilisimatusarfiup isumaqartoq, Tusagassiinermut tunngasuni aalajangiisartut paasivaat.

Tusagassiorfik Sermitsiaq.AG, tusagassiorfiup nammineq sulisumi isummersuutaat nalunaarusiamik allaaserinnittunut saqqummiunneqarnerisigut aamma allaaserinnittut isummersuutaasa tusagassiorfiup tusagassiuutini saqqummiuttagaanni oqaluttuarineqarnerisigut, isornartorsiuillutik pisimasut Tusagassiinermut tunngasunik aalajangiisartut isumaqarput.

Suliap Tusagassiinermut tunngasuni aalajangiisartunut saqqummiunneqarnera naapertorlugu, Ilisimatusarfiup isummersuutai tusagassiuutini naqitani oqaluttuarineqarneri siullermik tunngavigineqartariaqarput. Immikkut isigalugu nittartakkami www.sermitsiaq.ag-imi allaaserisat taamaattumik illuinnaasiorpalaarsinnaallutik. Oqallinneq ataatsimut isigalugu illuatungeriinnit isummersuutit oqaluttuarineqarmata, Tusagassiorfiup Sermitsiaq.AG-p tusarfinnut isornartorsiuinerunissaannik isornartorsiunermut tunngavissaqanngitsoq, Tusagassiinermut tunngasuni aalajangiisartut isumaqarput.

Allaaserisat pingasut aamma nalunaarusiaq

Uku allaaserisat Ilisimatusarfiup pitsaasumik tusagassioriaasermik malinnissimanngitsutut isumaqarfigai:

• Aaqqissuisuuneq: Mangelfuld medierapport
• Ejbøl: Nalunaarusiaq utertinneqartariaqarpoq
•  Kiisalu ”Nalunaarusiaq utertinneqartariaqarpoq” aviisimi naqitami saqqummersinneqartoq, Sermitsiaq nr. 44 2. november 2018.
• Misissuinermut linki: Tusagassiuutit 2018