Takornariaqarneq: Umiarsualivimmut pilersaarut Visit Greenlandimit nuannaarutigineqartoq
Nuummi umiarsualiviup umiarsuit takornariartaatit amerlatsikkiartuinnarneranni qanoq ilusilersorneqarnissaanik pilersaarutit, Sikukimit saqqummiunneqarput. Pilersaarut Visit Greenlandimit nuannaarutigineqarpoq.
Mads Skifte, Visit Greenlandimi pisortamut tullersortaasup, umiarsualivimmut pilersaarut nutaaq, Sikuki Nuuk Harbourimit Sermitsiaq.AG aqqutigalugu saqqummersinneqaqqammertoq, assut nuannaarutigaa,
Pilerinarnerusoq
- Tamanna pisariaqartipparput. Pilersaarummi sillimaniarnermut piumasaqaatinik naammassasisaqarneq pissutigalugu illoqarfiup tikinnissaata pilerinarnerulernissaa qulakkeerneqassaaq, Mads Skifte, Sermitsiaq.AG-mut oqarpoq.
Taassuma qularutiginngilaa umiarsualivimmut pilersaarut illoqarfimmi takornarialerinermik suliaqartartut amerlanerulernernissaannik malitseqarumaartoq.
-Nuummi takornarialerinermik suliniuteqalernissamut periarfissiilluarpoq, Mads Skifte, Fort Lauderdalemi umiarsuit takornariataatit pillugit saqqummersitsinersuarmi peqataaqqammertoq, oqaluttuarpoq. Saqqummersitsinermi Kalaallit Nunaannut tikittalernissap annertuserujussuarsimanera siunissamilu umiarsuit takornariartaatit amerlanerulernissaat ilimanaateqarluartoq, kalaallit aallatitaat paasitinneqarsimapput.
New Yorkimiit-Nuummut
- Alutornaqaaq, amerlasuullu takornarialerinermik suliaqarusulernissaannik isumassarsiortitsissalluni, Mads Skift erseqqissaavoq. Takornariaqartitsivilli – New Yorkimiit Nuummut – Nuummi qanoq pisoqarneranik malinnaasoq, ilanngullugu paasissutissiaraa.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...