Skip to main content

Kalaallit inuuniarnermikkut ajornartorsiuteqartut 46 mio. koruuninik aningaasaliiffiginerput

Kalaallit Danmarkimi najugallit inuuniarnermikkut ajornartorsiuteqartut, meeqqat inuusuttullu nunatsinniittut satspuljemi ilaatigut aningaasaliiffigineqarput

Meeqqanut inuusuttunullu Naalakkersuisut suliniutaat folketingimit tapersersorneqarput.

Amerlanerussuteqartut akuersinerannit tamanna paasinarsivoq, taamaasilluni aappagumut ikiorsiissutinut aningaasaliissutaasussat milliartit missaaniissaalutik.

Atuaruk: Meeqqanut atugarliortunut Nuummi katsorsaavik

Aningaasaliiffigineqarnerpaavoq

Nunarput sinnerlugu folketingimi ilaasortat isumaqatiginninniarnermi peqataanngikkaluarlutik, kalaallit Danmarkimi najugallit inuuniarnerminni ajornartorsiuteqartunut 46,4 mio. koruuninik piffimmi 2017 - 2020 aningaasaliiffigineqassasut iluatsippaat. Suliniutaasussanilu taakku aningaasaliiffigineqarnerpaasussanngorlutik.

Atuaruk: Arnat atugarliortut pinartoqartillugu inissaanik siunnersuuteqartut

Toqqaannanngitsumik isumaqatiginniarpoq

Aaja Chemnitz Larsernip (IA) Venstrep isumaginninnermut oqaaseqartartua ataatsimeeqatigisaqattaarnerani suut kissaatigineqarnersut suliniutaasunilu suut pingaartinneqarnersut isumaqatiginninniarnermi ilanngunneqassanersut paasititsiissutigisimavai.

36,4 mio. koruunillu kalaallit inuuniarnermikkut ajornartorsiuteqartunut Danmarkimiittunut atorneqassapput. Taakkulu siornatigut suliniutigisimasat ingerlateqqinnerinut suleriusinullu nutaanut aningaasaliissutigineqassallutik.

Aningaasaliissutaasunillu 10 mio. koruunit meeqqanut inuussuttunullu Naalaakkersuisut suliniutaannut atorneqassallutik.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER