meeqat inuusuttullu
Meeqqanut atugarliortunut Nuummi katsorsaavik
Tallimanngornermi meeqqanut katsorsaavik kalaallit nunaanni siulleq tamanut ammasumik ammarneqarpoq
Maanna meeqqanut ajoqusernermik kingunerlutsitsisinnaasunik, sumiginnagaanermik annertuumik misigisaqarsimasunut katsorsaaveqalerpoq.
Ammaanersiortitsineq tallimanngornermi Nuummi pivoq.
Katsorsaaavik siullermik meeqqanut 12-iniit 18-inut ukiulinnut tallimanut inissaqassaaq, aamma meeqqat tamarmik immikkut ineeraqassapput, kiisalu qullernut, ataatsimoorfiit kialaartut, tassani ilaqutariittut aamma toqqissisimanermik misigisinnaaneq, Saqqarlernut pilersinneqarneranut atatillugu siunertarineqartut avatangiisit 'toqqissisimasuummata'.
Pisariaqartinneqartoq
Arlalippassuartigut inuunermi artorsarnartumi meeqqanut inuusuttuaqqanullu angerlarsimaffimmik pilersitsinissap misilinneqarnissaa pingaaruteqartoq, Kommuneqarfik Sermersuumi borgmesteri Asii Chemnitz Narup (IA) oqarpoq.
- Sumiiffik namminiussutsiminnik misigiffigisinnaasaat. Sumiiffik nammineq inissaqartinneqarfigisartik, aamma inuuneq allatut isigineqarsinnaasoq, taannalu siunissamut ungasissumut killittoq, borgmesteri oqarpoq.
Piumasseq nutaaq
Asii Chemnitz Narupip saniatigut erseqqissarpaa, meeqqat atugarliortunut isumassorneqarnissamik aamma iliuuseqarfigineqarnissmik pisariaqartitsinerusut.
- Meeqqat inuusuttullu tamakku tikillugit sullitissavagut toqqissisimanartunillu angerlarsimaffeqartillugit, tassanngaanniit nutaamik nukittuumillu inuuneq silarsuarlu naapissammatigit, Sermersuumi borgmesteri oqarpoq.
Atuaruk: MIO nuna tamakkerlugu meeqqanut pilersaarusiortoqarnissaanik piumasaqarpoq