Skip to main content

Great Greenlandip ammerivik matugallarpaa

Tunisassiassanik amigaateqarneq pissutigalugu, Great Greenlandip ammerivik septembarip tungaanut matugallartariaqalerpaa

Great Greenland nalinginnaanngitsumik 2016-imi amernik tunisiffigineqarluanngilaq. Amernik amigaateqarneq maajip qaammataani toqqorsiviit imaarunnerinik kinguneqartitsereerpoq, aasaaneranilu amernik tunisisoqarpallaanngilaq.

Taamaattumik Great Greenland iliuuseqartariaqalerpoq.

Matugallartoq
- Ammeriviit matugallartariaqalerpagut. Ukiaanerani ukiukkullu tunisassiorneq ingerlannissaanut amernik naammattunik uninngasuuteqanngilagut, maannakkullu iliuuseqarusunneruvugut, pisortaaneq Ditte Sorknæs, tusagassiuutinut nalunaarummi ilisimatitsivoq.

2016-imi taamaallaat ammit 16.000-t tunineqarput, 2015-imi 23.000-t tunineqartut. Juulimi tunisineq ingammik annikippoq, tassani 1.700-t taamaallaat tunineqarput, 5.600-t naatsorsuutigineqaraluartut.

Sapaatip akunneranut amernik 900-nik pisariaqartitsisoqartillugu tamanna naammanngilaq.

Atuaruk: Great Greenland: Piaartumik annertuumillu puisip amiinik amigaateqarneq

Sipaarniarnerunngitsoq
Pisortap naqissuserpaa, matusigallarneq sipaarniarnerunngitsoq. Illuatungaanilli:

- Tunisinerup annikinnera silarlunneranik pissuteqarpoq, tamannalu uagut aqussinnaanngisatsinnik takkuttarpoq. Amiutitta akii affannikuupput, amerlanerusunillu amernik amigaateqartunik pisisartoqalerpugut. Taamaammat amernik amigaateqarneq piffissami ajornerusumi pisinnaanngilaq.

Tunisineq, immikkoortiterineq aamma allanik suliaqarneq sapaatip akunnerini sisamani matusinermi ingerlatiinnarneqassapput, sulisut ikinnerit eqqugaaniassammata. Katillugu inuit arfineq-pingasut angerlartinneqassapput.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER