Skip to main content

Great Greenland: Piaartumik annertuumillu puisip amiinik amigaateqarneq

Puisip amerpassuinik uninngasuuteqarnikuullutik, maanna ammeriup nalunaarutigaa puisip amiinik pitsaasunik amigaateqarneq unammilligassaq annertusoq

Great Greenlandimi amerpassuit uninngasuutigineqarneranik oqaluttuat puigorsigit.

Annertuumik allanngortoqarpoq. Ammerivik ullumikkut puisip amiinik amerlasuunik pitsaasunik amigaateqarpoq. 

- Puisit amii amigaatigineqartorujussuupput, piaarnerpaamillu piumaneqarput. Ukiup kingulliup ataatsip missaani tusagassiorfiit aviisit qanorluunniit allassimagaluarpata Great Greenland ullumikkut puisit amiinik ima amerlatigisunik toqqortaateqarpoq, Kopenhagen Furip affaata ingerlanneqarnissaanut naammallutik, Great Greenlandimi siulersusuni siulittaasoq, Helle Matthiesen, uani sapaatip-akunnerani Sermitsiami atuaasartut isummersortarfianni uissuumminartumik allappoq.

Oqariartuutit uissuumminartut
Helle Matthisenip uparuarpaa, puisip amiinik amigaateqarneq Great Greenlandip unammilligassaasa annersarigaat.

- Qaleralinnik saarullinnillu pisassiissutaasartut maanna takusavut taama amerlatigimmata akigissaaqalutillu, puisit amiinik pilersorneqarneq aatsaat taama appasitsigaaq annikilliartorlunilu. Ineriartorneq tamanna ukiuni aggersuni ingerlaannassanerluni?, taanna aperivoq.

Taanna allagaq uissuumminartoq Sermitsiami uani sapaatip-akunnerani saqqummertumi atuarsinnaavat.

Apeqqutit annernartut
Siulersuisuni siulittaasup allakkami Great Greenlandip ingerlanneqarnera aamma ammasumik eqqartorpaa. Taassuma apeqquterpassuit annernartut apeqqutigalugillu akiortorpai. Ilaatigut, Great Greenland akilersinnaalerumaarpa? Great Greenland ingerlatsiviua ullunik qaangiutereersunik qaangiiuminaatsitsisoq? Aammalu kalaallit piniartuunermik kulturiat, ilumoortumik nungutaalersoq, illersorniarneqarsariva? Politikerit kalaallit inuiaat aningaasatigut ajoqutaaginnartumik ikiorniarpaat, Great Greenlandip attatiinnarniarneratigut? 

Pissutsit maannakkutut isikkoqartilllugit Helle Matthiesenip Great Greenland ingerlatsivittut akilersinnaasunngortinneqarsinnaanngitsoq qularutigalugu nalunaarutigaa. Sermitsiami saqqummertussami siulersuisuni siulittaasup tunngavilersuutai aamma oqariartuutai atuakkit.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER