Skip to main content

Assit takukkit: Piukkunnaatilik GM-imi sisamanik kuultinnappoq

Nunatsinni nerrivimmi arsaararluni pissartanngorniunnerit Paamiuni poorskikkunni ingerlanneqarput

Nunatsinni pissartanngorniuttoqarnerani Paamiuni 1200-iarluni nerrivimmi arsaarartunik unammisoqarpoq.

Piukkunnaatilik Ivik Nielsen Bat 98 Sisimiuneersoq pisassaanngivippoq, tassami unammiuaarnermi sisamanik kuultinnappoq.

Taanna inuusuttuni aamma inersimasuni ataasiakkaarnermi, marlukkaarnermi aamma akulerulluni marlukkaarnermi ajugaavoq.

Atuaruk: Nunaqarfimmiut bordtennisimi naapipput

Kalaallit Nunaanni piukkunnaatilippassuusut, Nerrivimmi Arsaarartartut Kattuffianni siulittaasoq allappoq.

- Ukioq manna siornamut sanilliullugu inuusuttut suli pitsaanerulersimasut malunnarpoq. Kalaallit meeqqat aamma inuusuttut akornanni nerrivimmi arsaarartartuini piukkunaatilippassuaqarpoq, taakkulu siunissami qularnanngitsumik tusartalerumaarpagut, taanna tusagassiuutinut nalunaarummi allappoq.

Ataqqinaammik ilaasortaq
Nerrivimmi Arsaarartartut Kattuffiata oqaluttuarisaanerani siullerpaamik Ujarak Joelsen ataqqinaammik ilaasortatut toqqarneqarpoq. Ujaraap nerrivimmi arsaarartarnermi ataqqinaaserneqarneranut aqutsisutut aamma kajumissutsiminik ukiorpassuarni sulisarnera tunngaviuvoq.

Taanna aamma unammiuaarnermi utoqqasaani peqataavoq, unammisanilu inuusunnerit allaat ajugaaffigai.

Atuaruk: Nunatta nerrivimmi arsaartartuni neriunaatilittaa naapiguk

Nerrivimmi Arsaarartartut Kattuffia immikkut ittumik marsip 26-ani Paamiuni ataatsimeersuarpoq. Siulittaasumik ilaasortanillu marlunnik qinersisoqarpoq. Siulittaasoqq Emil Kleemann ilaasortallu Hugo G. Svensson aamma Karl Peter Olsvig qinerneqaqqipput.

GM-ip tullia aappaagu Nuummi ingerlanneqassaaq, NNAP Nuuk bordtennis aaqqissuisuussapput.

Assit: Nerrivimmi arsaarartartut takutitsilluartut

Allaaserisap talerpiata tungaani ujaminnattut takukkit

Uani ataani assit takukkit

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER