Arctic Winter Games

Nunatta nerrivimmi arsaaratartuini neriunaatilittaa naapiguk

Ivik Nielsen arfineq-pingasunilli ukioqarluni nerrivimmi arsaarartalerpoq. Arctic Winter Gamesimi ullumikkut ujamit tamakkissamaalerpai

Ivik Nielsen. Assi toqqorsivimmit

Ivik Nielsen ukiuni qulini nerrivimmi arsaarartarnermini Sisimiut timersortarfianiinnerusarsimavoq.

Taanna 18-inik ukiulik Bat-98-imi unammisartoq arlalitsigut malunnaateqarpoq.

Efterskoleqatigiit unammisut
Ivik Nielsen kingullermi jyskini junior eliteni aamma U-21A / U-18-ini ataasiakkaarnermi pissartanngorpoq.

Taanna 2015-imi Halvorsminde Efterskolemi Hjørringimi aallartippoq, atuarfik timersuutiminik sungiusarfiulluarsinnaasoq.

Efterskolemi aamma Nuummioq Poul Petersen peqatigaa.

Atuaruk: Nerrivimmi arsaarartartoq neriunaatilik angusarissaarluaqqittoq

Taakku efterskoleqatigiit AWG-mi ataasiakkaarluni pissartanngorniunnermi imminnut unammissapput.

Pissartanngorniunnermi ajugaanissaq neriuutaasoq
Kalaallit Nunaat nerrivimmi arsaararnermi arlalinnik ujaminnareerpoq. Akulerullutik unammisartut tamarmik pissartanngorniutissapput, nukarliit ataasiakkaarnermi aamma taamatut, unamminerit tamarmik ullumi sisamanngornermi ingerlanneqassapput.

Atuaruk: Kalaallit Nunaat timersuummi ataatsimi 12-inik kuultinnassinnaasoq

Sermitsiaq-Ag-p sungiusaasoq, Nielse Nielsen oqaloqatigaa.

- Kalaallit Nunaat 2016-imi pitsaanerpaanik unammisartoqarpoq. Pissartanngorniutivinnerit tamaasa ajugaaffigissagigut ilimanarsivoq, taama naliliivoq.

12-nik ujaminnattoqarsinnaasoq
Kalaallit Nunaata qanoq ililluni nerrivimmi arsaararluni pissartanngorniutivinnerit tamaasa anguai?

- Kalaallit unammisartut Arctic Winter Gamesertoqarnissaanut annertuumik sungiusarnikuupput, pissartanngorniutivinnissat tamaasa anguniarlugit siunertarineqarlutik. Naatsorsuutigisimanngikkaluarparput tamaasa ajugaaffigissagigut, maannali periarfissaalerpoq, Niels Nielsen oqarpoq.

- Maanna siunertaraarput kuultit qulit pissarsiarissallugit, sungiusaasoq oqarpoq.

AWG-imit nutaarsiassat kingulliit:

Kalaallit Nunaat timersuummi ataatsimi 12-inik kuultinnassinnaasoq

Kalaaliinnaallutik sulorarnermi pissartanngorniutissasut

Assit: Nuummi AWG-ertut

Powered by Labrador CMS