Skip to main content

Royal Greenlandip tunisassiorfia iliuuseqarfigeqqugaa

Inatsisartuni ilaasortap Naalakkersuisut tuavisaarpai, Qasigiannguani Royal Greenlandip tunisassiorfiani tunisassiassaaleqinermut aaqqiisoqapallanniassammat

Qasigiannguani Royal Greenlandip tunisassiorfiani tamakkiisumik tunisassioqqilerniassammat, aaqqiissutissamik piaartumik nassaartoqartariaqarpoq.

Siumumit Inatsisartunut ilaasortaq Jess Svane, pineqartumi Qaasuitsup Kommuniani borgmesteriusimasutut tunuliaqutaqartoq taama kajumissaarivoq.

Sulisut 30-t angerlartinneqartut
Royal Greenlandip noveberip 18-ani Qasigiannguani tunisassiorfimmi tunisassiassaaleqineq pissutigalugu, sulisut 30-t angerlartikkallarneqarneranik nalunaaruteqareersorlu taanna kajumissaaruteqarpoq.

Illoqarfiup uummataa politikkikkut pilersitaq angerlartitseqattaarluni ingerlanneqarnera tamaanga killeqartariaqarpoq. Avannaani qerititsiviit ulikkaarlutik tunisinermut killiliisut tusartuarpagut, aammalu qalerallit iluittuutillugit avammut nassiussuunneqartuartut ilisimallutigit, Jess Svane erseqqissaavoq.

Amerlasuut eqqugaapput
-
Asasakka Naalakkersuisut, suliffissuaq 120-nik sulisoqarpoq inuit 30-naalluunniit angerlartinneqarnerat isumaqarpoq inoqutigiit minnerpaamik 70-80-t eqqornerlunneqarnerannik. Tamannalu aamma soorunami sorpassuarnut allanut sunniuteqarnerluttussaalluni. Taamaammat piaarnerpaamik iliuuseqartoqarnissa matumuuna suliariniarsiuk, taanna Naalakkersuisunut taama kajumissaavoq.

Aamma atuaruk: Tunisassiorfimmi sulisut amerlasuut angerlartinneqartut


 

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER