Skip to main content

Tunisassiorfimmi sulisut amerlasuut angerlartinneqartut

Qalerallit Ilulissanut tulaanneqartartut annikillinerat Qasigiannguani tunisassiorfimmi sulisunut kinguneqartitsivoq

Qalerallit Ilulissanut tulaanneqartartut annikillinerat aamma qalerallit tulaanneqartartut ikiliartuinnarnerat pissutigalugu, Qasigiannguani tunisassiorfimmi Ilulissaniit pilersorneqartumi tunisassiornermi suleqatigiit maanna marluusut ataasiinnaanngortinneqassasut Royal Greenlandip aalajangerpaa.

Qasigiannguani tunisassiorfimmi suleqatigiiaat ataasiinaanngortinneqarneratigut sulisut 30-it suliunnaarallarnerannik, tamanna kinguneqarpoq.

Qalerallit mikivallaat
Qasigiannguani tunisassiorfimmi novemberip 30-iat aallarnerfigalugu suleqatigiiaat ataasiinnaat sulisorineqalissapput.

- Ilulissaninngaaniit tunisassianik pilersorneqarnera ukiarnerani annikillimmat, aamma massakkut qalerallit tunineqartartut nerpiliassatut atornissaat mikivallaarnerannik tamana peqquteqarpoq, Royal Greenlandimi aqutsinermi ingerlatsisoq Niels Ole Møller, suliffeqarfissuup nittartagaanut taama oqarpoq.

Tunisassiornissamut naammatt
Aalisartut illoqarfimmut annikitsuinnarmik tunisassiorfimmut tulaassuipput, kisiannili Qasigiannguani tunisassiorfik upernaaq tikillugu tunisassiorsinnaavoq.

- Qasigiannguani massakkut avataaniit tulaassanik qerisunik tunisassiaassaateqarpoq, taakkulu suleqatigiianit ataatsinit tunisassiarineqassapput. Tunisassiassat taakku apriili ilanngullugu naammannissaat naatsorsuutigaarput, Niels Ole Møller oqarpoq.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER