Skip to main content

Nunat arfineq-pingasut sinerissami alapernaarsuinissamut isumaqatigiittut

Sinerissamik alapernaarsuinermut Issittumi Siunnersuisooqatigiinni naalagaaffiit arfineq-pingasut akornanni isumaqatigiissut ullumikkut atsiorneqassaaq. Suleqatigiinneq 2011 Nuummi ataatsimiinnermi aallartittoq

USA, Rusland aamma Canada ataatsimoorlutik Danmark, Finland, Norge, Sverige aamma Island sinerissamik alapernaarsuinermik isumaqatigiissuteqarfigaat.

Ulloq nuannaarfiusoq, Danmarikimi aammali Nunatsinnut Savalimmiunullu issittumut ambassadøri, Erik V. Lorenzen isumarpoq.

Kisianni tamassuma nunarsuarmi eqqissineq qulakkiinngikkaa, Sermitsiaq.AG-mut taassuma oqaatigaa.

- Isumaqatigiissut sakkutooqarnermut tunnganngilaq, Issittumi Siunnersuisooqatigiinni nunat arfineq-pingasut annaassiniartarnerannut suleqatigiinneruvoq, Sermitsiaq.AG-mut taanna oqarpoq.

Nuummi aallartittoq
Nunat taakku tamarmik 2011-mi Search and Rescuemik isumaqatigiissut Nuummi atsiorpaat, pitsaanerusumik imaani annaassiniarnermut, paasissutissiinermut aamma sungiusarnernut tunngasoq.

Taanna isumaqatigiissut Issittumi Siunnersuisooqatigiinni suliniaqatigiinnit suliareqqitaavoq.

- Nutaat ilagaat pineqartut ukiup affakkaartumik ataqatigiissaaralutik naapittarnissaat, tamannarpiaq nuannaarutigalugu Erik V. Lorenzen nassuiaavoq.

Suleqatigiinneq annertuseratarsinnaagaa
Naluneqanngilaq maannakkorpiaq 'Kitaata' aamma Ruslandip akornanni akerleriissuteqartoqartoq, ataatsimoorfiullu pisut immaqa qitulisarsinnaavai.

- Russit pillugit aperineqakkajuppugut. Apeqquserlugu suleqatigineqarsinnaanersut. Kisianni ataatsimut isumaqatigiissutip nassuerutigaa ikioqatigiinneq pingaaruteqartoq, aammalu ingerlaqqittugut.

Sinerissami alapernaarsuinermi siulittaasuuffik Issittumi Siunnersuisooqatigiit siulittaasuuffianit nuuttoqarnerani nuuttassaaq. Taamaammat ukioq manna USA suleqatigiinnermut ataqatigiissaarisuussaaq. Isumaqatigiissummi allaqqavoq, tamarmik isumaqatigeeqqaarlutik aalajangiinerit pisassasut.

Atuaruk: Forsvarsministerip Issittumi sakkussiornissaq kinguartippaa

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER