Skip to main content

Forsvarsministerip Issittumi sakkussiornissaq kinguartippaa

Qaammataasiat nutaat, dronet aamma timmisartut sorsuutit Issittumi pigineqalissanngikkallarput. Illersornissamut ministereqarfiup Issittumut misissueqqissaarnerata saqqummiunneqarnissaa aatsaat aappaagu pissaaq

Sakkutuut siunissami Issittup ineriartornissaa pillugu misissueqqissaarnerat annertooq 2014-ip naajartornerani naammassisussaagaluarpoq, kisianni forsvarsministeri, Peter Christensen (V), Folketingip Kalaallit Nunaannut ataatsimiititaliaanut ilisimatitsivoq, misissuinerup inernera aappaagu saqqummiunneqassasoq.

Ingeniøren taama allappoq.

Ingeniørenimi atuaruk: Forsvarsministeriets Arktis-analyse bliver et år forsinket (qallunaatoortoq)

Piffissami kingullermi sakkutuunit suaartaatigineqaraluarpoq, ulluinnarni naalagaaffeqatigiiffiup avannarpasissortaa illersornissaanut iluamik atortussaqartitaannginneq.

Atuaruk: Nunatsinniititaqarnissamut sungiusarsimanermik atortunillu amigaateqartoq

Kisiannili issittumi illersornissami sanngiissutsit erseqqarissarneqalinngikkillarput, taamaattumillu illersornissamit paasissutissat nutaat sakkutuunut tapiissutit aappaagumut Christiansborgip aningaasanut inatsisaa sunniuteqarfigisinnaanngilaat.

Qinersinerit peqqutaanerarpai
Forsvarsministeri naapertorlugu, siullermik Inatsisartunut 2014-mi aamma juunimi folketingimut qinersinerup misissueqqissaarnerup suliarineqarnera kinguuaattortissimavaat. Suliarisassat allassimaffianni oqaaseqaat naalagaaffeqatigiit nunataannut tamanut tulluarsagaapput, taamatullu misissueqqissaarneq Danmark, Kalaallit Nunaat aamma Savalimmiut suleqatigiillutik suliaraat.

Ingeniøren siornatigut allannikuuvoq, issittumi nakkutiginninneq amigartuussasoq nalunaarusiap pingaarnertut ilaatigut inernerissagaa. Aammalu qaammataasat, dronet aamma radarit aaqqiissutaasinnaassasut.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER