Skip to main content

GA: Siumut aamma IA akisussaaffimmik annertuumik tigummiaqarput

Politikkikkut siammasissumik suleqatigiittoqalernissaa Sulisitsisut Peqatigiiffiannit piumasarineqarpoq, tassani atugarissaarneq pillugu isumaqatigiittoqarnissaa neriuutigineqarluni

Qinersinissap tungaanut oqaatigineqaqattaareerpoq. Aamma maannakkut oqaatigineqaqqippoq. 

Naalakkersuinikkut suliallit siammasissumik ingerlatsinissaannut partiit annerit, Siumut aamma Inuit Ataqatigiit, annerpaamik akisisussaaffeqartut Sulisitsisut Peqatigiiffiannit (GA-mit) oqaatigineqarpoq. 

- Avissaartuulluni naalakkersuinikkut ingerlatsineq tamaanga killeqartariaqalerpoq; paarlattuanik tutsuiginartumik, ammasumik asissuijuitsumillu pissuseqarluni partiit sorliuneri apeqqutaatinngagit – aammalu naaperiaarusussuseqarneq aallaavigalugu - suleqatigiinnissaq pisariaqartinneqarpoq, Sulisitsisut Peqatigiiffianni pisortaq Brian Buus Pedersen oqaaseqarpoq. 

Innuttaasut ajornartorsiortut
- Kalaallit Nunaata aningaasaqarnera mianernartorujussuuvoq. Inuiaqatigiit ilungersunartorsiorput. Sulili neriuutissartaqarpoq. Tassami inuussutissarsiornikkut inerisaaneq, avammut tunisaqarnerulernissaq kiisalu nammineq suliffiuteqarneq immikkut sammigaanni, nammineq suliffiutillit siuarsaavigineqarsinnaapput. Inuussutissarsiornermik ingerlatallit naalakkersuinikkut suliniuteqartoqarnissaa suliffiillu amerlanerit pilersiniarlugit aaqqissuusseqqinnissaq suliffeqarfiit atorfissaqartilluinnarpaat, tamakkumi suliniarfigineqarpata Kalaallit Nunaanni inuit tamarmik siunissaannut iluaqutaasussanik suliaqaqataasinnaapput, GA-p pisortaa oqarpoq. 

Qineqqusaartoqarnerata nalaani unammilligassat pingaarnerit tallimat, siuariartornerup atugarissaarnerullu aaqqiiviginissaanut qulakkeerinneqataasinnaasut – aammalu inooqataanikkut taama angitigisumik naligiinngittoqarneranik aaqqeeqataasinnaasut - Sulisitsisut pingaarnerutillugit saqqummiuttarpaat:

- Aasilarneq siammasissumik tunngaveqarluni aaqqissuusseqqinnikkut ineriartorteqqinneqassaaq siunissamullu isumannaarivigineqassalluni, taamaaliornikkut inuussutissarsiummut tamatumunnga pisariaqarluinnartunik aningaasalinissaq orniginarsarniarlugu. Suliffeqarnerup tunngaviusumik aaqqissugaanera aaqqissuuteqqinneqassaaq, ilinniartitaanikkut unammilligassarpassuaqarportaaq. 

- Sanaartorneq illuliortiternerlu uummarissarneqassapput taamaaliornikkut Sanaartugassanut Iluarsagassanullu Aningaasaateqarfimmit aningaasalersukkanik nutaanik suliaqartitsinikkut suliffissat pilersinneqarniassammata. Aatsitassarsiornermik ikummatissarsiornermillu suliassaqarfiup aalajaatsunik atugassaqartinnissaa qulakkeerinniffigineqassaaq, taamaaliornikkut suliassaqarfik tamanna aningaasarpassuarnik aningaasaliisartunik qarmaasinnaaniassammat, tassami taamaaliornissaq pisariaqarpoq Kalaallit Nunaat inerisaassagaanni avammullu tunisinermit Kalaallillu Nunaat nutaanik isertitaqalissappat, Brian Buus Pedersen nassuiaavoq. 

Inuussutissarsiortut nuna tamakkerlu siuariartortoqarnissaanut tunniussassaqartoq GA-mit oqaatigineqarpoq. Taamaattoqassappalli naalakkersuinermik ingerlatallit suleqatigiissinnaasut pisariaqavissunillu aaqqissuusseqqissinnaasut aammalu pisariaqavissunik pingaarnersiuillutik tulleriiaarisinnaasut pisariaqartinneqarput. Aamma iluareqqusaaginnaratik taamaaliorsinnaasut.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER