Skip to main content

Nuummi internettip piginnaasai Tele-Postip quleriaammik annertusivai

Nuummi atuisartut arlalissuit qaammatini kingullerni arfinilinni internettimik ajornartorsiuteqartarsimapput. Ajornartorsiut sukkasuumik aaqqissallugu Tele-Post neriorsuivoq 

Taamaasilluni Tele-Postip naatsorsuutigaa qaammatini aggersuni Internettimi tattuunnermik ajornartorsiutit arlallit aaqqissallugit, tamakkua atuisartut arlalissuit malugisarsimammatigit teleselskabip ilaatigut akit apparmagilli, ilaatigullu bredbåndimik tunisassiani arlalinni aalajangersimasumik akit eqqummagilli.

- Ingerlalluarneq ajoqutigipajaarsimavarput. Tamannalu pissutigalugu teknikkikkut unammilligassaqalersimavugut. Ilimagisamit atuisartut amerlanerusut bredbåndimik tunisassiat nutaat pisiarisimavaat, naatsorsuutigisatsinnillu nettimik atuinerujussuusimallutik. Taamaattumik Nuummi teknikkikkut atortuvut malinnaasinnaasimanngillat. Maannalu Nuummi malinnaasinnaajumalluta internettimi piginnaasat quleriaammik annertusivagut, telep pisortaa Anders Barslund, Tele-Postimeersoq, nassuiaavoq.

Taamaasilluni atuisartut arlallit malugisarsimavaat piffissat ilaanni assersuutigalugu internettimit anisinneqartarlutik, imaluunniit nettimi sukkassuseq eqqarsaatigalugu nioqqutissaq pisiartik pisarsimanagu.

Tamanna tunuliaqutaralugu ajornartorsiutit aaqqinniarlugit Tele-Postip illoqarfimmi IT-mi ikkussugassat arlallit qaffassarnissaat siuartissimavaa.

- Soorunami ajoqutit atuisartutta malugisimasaat uggornartoqartippavut. Tamatumalu saniatigut atortut nutaat sukkasuumik tunniunneqarnissaannik unammilligassaqarsimavugut, systemerput qaffassarsinnaajumallugu. Sapinngisamilli sukkanerpaamik qaffassaanerit ingerlatissavagut, Anders Barslund oqarpoq.

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER