Skip to main content

Isumaqatigiinneq: Politikkikkut maannakkut qanoq iliuuseqartoqartariaqarpoq

Kalaallit Nunaanni Sulisitsisut peqatigiiffiat aamma SIK kaammattuipput nuna tamakkerlugu sanaartortoqarnissaanik siuarsaasoqarnissaa politikkikkut iliuuseqarfigineqartariaqartoq

Sanaartornermi pissutsit ilungersunarnerat maannakkut politikkikkut qanoq iliuuseqarfigineqartariaqarpoq.

Taamak oqariartuuteqarput Kalaallit Nunaanni Sulisitsisut peqatigiiffiani siulersuisuunerusut sapaatip-akunnerata naanerani Nuummi ataatsimiittut. 

- Kalaallit Nunaanni sanaartornermi equngasumik ingerlatsisoqarnera nunatsinni sulisartut peqatigiiffiisa annerit marluk, GA aamma SIK ernummatigisorujussuuaat. Aningaasanik inatsimmi takuneqarsinnaavoq, sanaartugassanut millionerpassuit illuartinneqarsimasut, suliffissaqartitsinermut angisuumik isumallit aamma inuiaqatigiinni aningaasatigut ingerlatsinermi pingaaruteqartorujussuusut. Tamatuma saniatigut pisortat sanaartortitaanut piumasaqaatit qaffaseqaat pitsaasumik pilersaarusiortoqartariaqarluni, tassunga ilanngullugu suliniutinik annikinnernik amerlanernik aallartitsisoqassasoq, tassunga ilanngullugu suliniutit minnerit iluarsartuussassallu, GA aamma SIK ataatsimoorussamik tusagassiivinnut allakkami atuarneqarsinnaavoq.  

 

Inuiaqatigiinnut iluanaarutissat amerlasuut
GA’p aamma SIK’p isumaat naapertorlugit inuiaqatigiinni iluanaarutaasinnaasunik peqarluarpoq.  

- Siullertut iluarsaassinissanik suliniutit mikinerit aningaasarpassuarnik nassataqarneq ajorput. Aappaattut inissiaqarfinni maannakkut atuuttuni aningaasaliinerit inuppassuarnut suliffissanik pilersitsissagaluarput, minnerunngitsumik nuna tamakkerlugu ingerlatsivinnut mikisunut annerumaanullu. Ingerlatsivinnut suliffeqarfinnullu aningaasarliornermik sakkortunerpaamik eqqorneqarsimasunut. Taamaaliornikkut suliaqaratik pilersorneqartut ikilissapput soorlu suliffinnik ingerlatsiinnarnissap naleqassusia erseqqissarneqassasoq aamma inunnut isumaginninnermut tunngasut eqqarsaatigalugit, GA-mi pisortaq Brian Buus Pedersen aamma SIK-p siulittaasua Jess G. Berthelsen oqarput.

Pingajussaattut ingerlatsiviit ajunngitsumik ingerlasut aamma illuutinik aserfallatsaaliineq peqqinnarnerusoq piffissaagallartillugu ingerlanneqarsinnaassaaq, maanakkutut aserfallannissaannik utaqqiinnarani aserorterisarneq isumalluutaajunnaassammat. Sutigut tamatigut kikkut tamat iluanaarutigisinnaasaat, atugarissaarnermut aqqutissiuiinnarani aningaasatigut aamma iluanaarutaasoq.

 

Maannakkut qanoq iliuuseqartoqarnissaa piumasaat
GA aamma SIK naapertorlugit iluaqqutaanngilaq inuiaqatigiinni susassaqartut tamarmik utaqqisutut inissinneqarpata eqqarsarluni siunissami aatsitassarsiornissap Kalaallit Nunaanni ajornartorsiutit tamaasa iluarsissagai, utaqqinerulli iluani suliffeqarfiit siunissami sulianik ingerlatsisussatut ilinniarfissat matoorartariaqartut suliassaqannginnertik pissutigalugit.  

- Tassani inissiani pioreersuni iluarsartuussinissaq marloriaammik iluanaarutaasinnaavoq, Brian Buus Pedersen aamma Jess G. Berthelsen oqarpoq.

GA aamma SIK, Naalakkersuisut nutaat sulilerpata sukkanerpaamik oqaloqatigiinnissaq piumasaraat. 

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER