Skip to main content

TV-kut qinersinissamut oqallitsitsinerit kanngunangajattut

Sisamanngormat unnukkut politikkikkut oqallinnerit Naalakkersuisunut kanngunangajattumik ingerlavoq

Ippassaq sisamanngornernermi Sisimiuni TV-kut qinersinissamut oqallitsitsisoqarmat Sisimiormiut ussattorsuupput. Qinersisartut untritilikkaat, inuusuit, inersimasut utoqqaat, inuusuttunnguillu suli qinersisinnaanngitsut ippassaq sisamanngornermi timersortarfik ulikkaarluinnarlugu issaasimapput. Ulikkaarluinnarmallu timersortarfik innuttaasut suli 200-t missaaniittut iserusukkaluit matu parnaarlugu silamut mattutiinnartariaqarpaat

Iluatsitsinerusut piffinni assigiinngitsuni partiit qalipaataanik ungalusimallutik issiapput, qalipaatit tassaasut – Inuit ataqatigiit, Inuit partiiat, Atassut, Siumut, Kattusseqatigiit aamma Demokraatit. Illoqarfinni politikkerit politikkerit qanillattorlugit issaasimapput.

TV-kut qinersinissamut oqallitsitsineq ersaattaanneqarluni politikkerillu hurraartuutigineqarlutik tusarnaarianit ammarneqarpoq.

Aallakaatitsinermi ingerlatsisup Arnaq Nielsennip oqallinneq ammarlugu aperimmat IA aamma Demokraatit suli nunarput aqussaneraat timersortarfik inunnik ”naaggaartortunik” nakkaatingajalluinnarpoq, Siumullu erfalasuarai Amerikami præsidentimut qinersinermisut erfanneqarput.

Sisimiormiormiut nunatsinni unammersuartoqarneranni dommerinut sakkortuumik pissuseqartartutut tusaamaneqarput, ippassarlu aamma taamarluinnaq tusarnaariat pissusilersorput.

Siumut tapersersorneqarnerpaajuvoq
Partiit naatsumik ilisaritinneraniilli malunnarsivoq Sisimiuni innuttaasut uummataat sumi inissimanersoq, Siumummi nipitunerpaamik sivisunerpaamillu ersattaanneqarpoq.

Qinersisartut ilaat illuutillit annerusumik akileraartalernissaat siunnerfigineqarnersoq aperisoqarmat IAp oqaasinnaava akissaqarnerusut pissaatikinnerusunut kivitseqataanissaat tusarnaarianit ”uuuh-toortigineqaannarpoq. Tusarnaariat Naalakkersuisunut naammaginninnginnerat nangippoq Biiniamiit Sakiusilu Demokraatit praktikkerfissaaleqineq pillugu akissuseqarmata.

Ajornerulerpoq sinerissami suliffissaaleqineq sanaartornerlu apeqqutigineqarmata, Inuit Ataqatigiit Demokraatillu oqaaseqarseqarnerat ajoquserneqartaqattaarpoq, akerlianillu Johanne Olsennip Siumumeersup tusarnaariat eqqissisittarpai.

Taamaasillunilu unnuk Naalakkersuisunut kanngunangajalluinnartumik ingerlavoq.

Partii nutaaq, Partii Inuit, tusarnaarianit ersattaanneqarpoq partiip oqaatigimmagu Naalakkersuisut Kalaallit Nunaat kalaalerpalunnerusumik takutissinnaasariaqaraa, Nuuk qallunarnitsoq kisiat pinnagu.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER