Tillinniarneq aserorterinerlu paasineqalerput
Qaanaami politiit illoqarfimmi tassani Tele-Postimi annertuumik tillinniarnermut aserorterinermullu atatillugu angummik tigusarinnipput
Ataasinngormat angut tigusarineqarpoq Telelu naapertorlugu sapaatit akunnerata naanerani tillinniarnerni marlunni inuk ataasinnaanngitsoq ilimagineqarluni.
Tillinniarneq siulleq pivoq tallimanngornerup unnuaani, tassani oqarasuaatit angallattakkat 25.000 koruunit sinnerlugit nalillit tinnilleqarlutik.
Tillinniarnerup aappaa pivoq arfininngornerup unnuaani. Tillinniarnermi annertuumik aserorterisoqarpoq, taamaalillutik Qaanaami inoqutigiit quliugaangata arfineq pingasut internetimut attaveqaratik. Aamma oqarasuaatit angallattakkat 95.000 koruunit sinnerlugit akillit tillinneqarput.
Læs "Tele arbejder på højtryk i Qaanaaq"
Læs "Indbrud og hærværk hos Tele"
- Tele-Post marlunngormat ullaap tungaani tillinniarnerup aserorterinerullu annertussusaa paasiniarneqarpoq tillittunut aserorterisunullu taasiisitsiniarnissaq siunertaralugu. Aserorterinerit tillinniarnerillu 200.000 korunnit missaanni naleqartut naatsorsorneqarallarput, sulisoqarnermut pisortaq Karl-Henrik Simonsen oqarpoq.
Tigusarineqartoq pillugu paasissutissanik pissarsisoqarsinnaanngikkallarpoq, taannalu kilisiorneqareernermi kingorna iperagaavoq.