Skip to main content

Air Greenland isornartorsiorneqartoq akissuteqarpoq

- Air Greenlandimi ilisimalluarparput Københavnip timmisartoqarfissuani nassatanik tigusiniarneq kinguaattoorfiusinnaasoq, timmisartuutileqatigiiffik nalunaarpoq 

Tusagassiortup Hanne Brobergip sapaatip akunnerata naanerani allakkatigut ammasukkut Air Greenland oqaasertalersuiffigaa isumaqarami Atlantiku ikaarlugu angalanini taamatullu tallimanngornermi apuukkamik nassatanik tigusinissaminnut utaqqineq naammaginanngilluinnartoq.

Aamma atuarneqarsinnaavoq "Angerlamut aqqut utaqqinartulik"

Air Greenlandimi aningaasarsiornikkut pisortaq Christian Keldsen, taamatuttaaq allakatigut ammasukkut akilluni allappoq. 

Akissutaa tamakkiisoq aana:

- Air Greenlandimit allakkatit ammasut pissuserissaarneroqqulluta kaammattuutitillit soqutigalugit atuarpagut. Ilumoorpoq tallimanngorneq juulip 13'iat aalajangiukkatsigu timmisartorsuup Dashi 21'nik ilaasulik utaqqissagaa, Sisimiuni pujornera pissutigalugu kinguaattoortoq. Utaqqisimanngitsuugutta Sisimiunit ilaasussat qimaannassagaluarpagut, Kangerlussuarmi sapaatip tungaanut utaqqisillugit, pissutigalugu tallimanngornermi unnukkut aallatussami arfininngornermilu timmisartorsuarmut inissaqarnavianngimmata. 

- Timmisartuussinissamik pilersaarutip nalunaaqutartaa eqqorniarsimasinnaagaluarparput, kisianni ilaasut 200 missaanniittut nal. ak. ataatsip missaanni utaqqisinnissaat toqqarparput ilaasussat 20 sinnillit ulluni marlunni Kangerlussuarmi utaqqisinnagit. Maannakkorpiaq Air Greenland timmisartuutileqatigiiffinnik allanik isumaqatigiissuteqanngilaq angalasut apuuffissamik tungaannut nassataannik isumaginninnissaq pillugu, taamaattumik innersuutigaarput billitsimik pisinermut atatillugu kinguaattoornermi sillimasiinermik pisisaqqullugit, taamaaliornikkut arlaatigut pisoqartillugu ingerlaqqiffissamut kinguaattoorneqa matussuserneqassammat.

 

Qarasaasianut atortorissaarut pisiareqqammerpaat 
- Qarasaasianut atortorissaarut nutaaq millionilikkaat atorlugit pisiareqqammerparput, taanna atorlugu siunissami ingerlatsiviit allat isumaqatigiissusiorfigalugit interline-aftalinik taaneqartartut atuutsilersinnaavagut, taava Kalaallit Nunaanni billitsisinikkut nunarsuarmi sumiiffiit arlaannut ingerlasinnaavutit, taamatullu kinguaattoornernut taamaatitsiinnarnernut qulakkeersimallutit. Qarasaasiakkut atortorissaarut nutaaq upernaakkut 2013 atulissaaq, tamatuma kingorna timmisartuutileqatigiiffinnik allanik isumaqatigiissuteqarnerit aallartissinnaapput. 

- Air Greenlandimi ilisimalluarparput Københavnip timmisartoqarfiani nassatanik tigusiniartarneq utaqqinarsinnaasartoq. Tamannali Air Greenlandip ilaasuisa kisimik misigineq ajorpaat, taamaattumik nuannaarutissaavoq timmisartoqarfiup qanittumi saqqummiummagu, 250 million koruunit aningaasaliissutigalugit nassatanik ingerlatsissut nutarterniarmassuk. Nassatanik ingerlatitsisartoq nutaaliaaneq aasaanerani 2013 atuutilissangatinneqarpoq, tamatuma tungaanut Air Greenlandip Novia nassatanik passusisartut uagut akilikkatsinnik suliassiissummik naammassinninnissaa ataavartumik nakkutigissavarput.  

 

Novia inuttakippallaarpoq
- Nassuiaatissatulli aamma taaneqassaaq timmisartoqarfik suliffiummat ulapaarfioqisoq, timmisartullu kinguaattoorlutik mikkaangata soorunami nassatanik passussisartut suliassat allat aallartereersimasarpaat minutsinik arlalinnik sivisussuseqarsinnaasunik, assersuutigalugu soorlu Air Greenlandip ilaasuisa nassataannik nassatat ingerlaarfigisartagaannut issoraalinnginneranni. Aammali oqaatigineqassaaq Novia piffissami sivisoorujussuarmi inuttakippallaartoq tamannali maanna iluarsiniarneqartoq,  Christian Keldsen, Air Greenlandimi aningaasarsiornikkut pisortaq oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER