Skip to main content

Ukiorpassuarni takorluugaq piviusunngortoq

Cirkusrevyen Kalaallit Nunaannut angalassaaq Hotel Hans Egedep ataatsimiittarfimmik nutaamik ammaanissaanut atatillugu 

Ukiorpassuarni takorluugaasimasoq maannakkut piviusunngorpoq, Hotel Hans Egedemi allaffissornikkut pisortaaneq Helge Tang ippassaq suleqatigiinnissamik isumaqatigiissummik tallisitsinerup kingorna oqarpoq, cirkusrevymit Torben Træsko Pedersenip suleqatigiinnissamik isumaqatigiissut imartooq atsioqatigiissuteqarfigaat, tamatumalu nassataanik ukiakkut 2013 aliikkusersuinermik sulialippassuit Nuummut tikissapput. 

Ippassaq nutaarsiassaq atuaruk Cirkusrevyen Kalaallit Nunaannut

Quiasaarillutik aliikkusersuisartoqatigiit Nuummut tikittussat amerlaqaat, isiginnaartitsisartut teknikkerillu 40'nit amerlanerit isiginnaartitsinissaat kulturikkut illorsuup Katuap aamma Hotel Hans Egedep suleqatigiinneratigut aaqqissuunneqassaaq.

Cirkusrevyen 2013, cirkusip tupiani oqaluttuassartaqaqisumi Dyrehavsbakkimi Klampenborgimiittumi takutinneqassaaq taamattaaq  Aalborg Kongres og Kulturcenter tikitsiassallugu. Tamatuma kingorna danskit quiasaarinermik aliikkusersuisartoqatigiivisa ukiorpassuarni siuttuisa quiasaarinerat ilivitsoq ukiakkut 2013 Nuummi taneqarsinnaajumaarpoq, Helge Tang tusagassiorfinnut allappoq.  

Cirkusrevyen 2013, septembarip 13'ianni aamma 14'ianni 2013 Katuami takuneqarsinnaajumaarpoq, paasissutissiivoq.  

- Aliikkusersuinermik takutitassiaq annertujaaq sulissutigaarput. Imminut akilersinnaanngilluinnartoq. Kisianni neriuppugut illoqarfitsinni inuppassuarnit nuannaarutaajumaartoq uagullu nammineq aliikkusersuinermik ingerlatsivitsinnik aallartitsilluaqataajumaartoq, 2013 uagut nammineq sammisaqartitsinermi aamma ataatsimiittarfissarput nutaaq ammartussaagatsigu. Tassani aliikkusersuinermik neqeroorutit immikkuullarissut ingerlanneqartarumaassapput; pinerilli tamaasa angisoorsuunngitsut, Helge Tang oqaluttuarpoq taassuma ilanngullugu eqqaavaa aliikkusersuinissamik aaqqissuussineq taamaattoq kulturikkut illorsuup hotelillu suleqatigiilluarnerisigut taamaallaat ingerlanneqarsinnaasoq, aamma suliniummut aningaasaleeqataasunit tapersersorneqarnikkut.  

- Aningaasaleeqataasut ukiamut saqqummiunneqassapput aamma Cirkusrevyen 2013'imut billitsinik tuniniaaneq decembarimi aallartissaaq, Helge Tangip ilimagaa ukioq manna juullip orpiisa ataanni billitsinik nassaassaqariissasoq. 

 

Cirkusrevyen

Cirkusrevyen tassaavoq danskit quiasaarinermik isiginnaartitsissutigisartagaasa annersaat. Københavnip avannannguani Klampenborgimi Dyrehavsbakkenimiippoq. Revy taanna 1935 pilersinneqarpoq isiginnaartitsisartumit Ludvig Brandstrup, neriniartarfiutilimmit Oscar Holst aamma isiginnaartitsisartumit Osvald Helmuth, Helge Tang oqaluttuarpoq.

Cirkusrevyen 2013 peqataasut
Hotelimi pisortaq ilisimatitsivoq Cirkusrevyen 2013'imut peqataasussat ilaat inuttaqareersut. Peqataasussat tassaapput Andreas Bo,
 Lisbet Dahl,
 Ulf Pilgaard,
 Ditte Hansen aamma Niels Olsen. Ilitsersuisuulluni Lisbet Dahl. 
Kapelmesteri tassaalluni James Price.

 

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER