Skip to main content

ISS inuusuttunik sulilerusuttunik ikiuukkusuppoq

- Kikkulluunniit naapertuuttumik periarfissinneqartariaqarput, Foreningen Grønlandske Børn'ip aallartitaa oqarpoq 

- Kikkulluunniit sulilerusuttut naapertuuttumik periarfissaqartariaqarput. Foreningen Grønlandske Børn peqatigalugu inuussutissarsiortut attaveqaqatigiiffianni 2000-nik ilaasortalimmi siulittaasuunera atorniarpara, kalaallit inuusuttut atugarliortut Danmarkimi najugallit periarfissinneqarnissaat anguniarlugu.

Taama oqarpoq ISS Danmarkip pisortaanera, Maarten van Engeland, Foreningen Grønlandske Børn (FGB) ungasinngitsumi ambassadørinngorfigisaminut apersorneqartilluni.

- Uagut VFSA netværkitsinni - attaveqaqatigiiffitsinni suliffeqarfiit 2000-ngajaat ilaasortaaffianni amerlaqaat, kalaallinik inuusuttunik ajornartorsiuteqartunik aallussinissamik aallartitserusuttunik. Ilinniarfissaannik tunisinnaavagut, suliffimmi sungisartillugit imaluunniit suliffinitsillugit.

Foreningen Grønlandske Børn, kalaallit inuusuttut atugarliortut pillugit saqqummersitassamik suliaqarpat, pisariaqartitat aamma kissaatit suliffeqarfinnut 2000-nut ingerlateqqissinnaavagut, ISS'ip pisortaa oqarpoq.

Pisortaq siornatigut CSR Fondenip siulittaasoraa. CSR tassaavoq suliffeqarfiit inuiaqatigiinni akisussaaqataanerat ersersinniarlugu sulialik.  

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER