Skip to main content

Julie Berthelsen katinnissamut piareertoq

Naartooq Julie Berthelsen inuunermut tunngassuteqartumi atuagassiami qaammatit tamaasa saqqummertartumi Brudenimi katissutilerluni assilisissimavoq. Piffissap takutikkumaarpaa Miniup assit nuannerluinnartut takoreerlugit nammineq seeqqummerusulissanersoq 

Arnat naartusut arlallit katinnissaq ernereernerup kingornanut kinguartittarpaat, pissutigalugu katissuttituk takorloortakkatsinni naaq angisoorujussuaq tulluaritinneq ajoratsigu. Maanna Julie Berthelsenip tamanna allanngortinniarlugu qanoq iliuuseqarsimavoq. Erinarsortartoq kalaaleq tusaamasaasoq, tulluarluinnartumik pinnerluni Brudenimi saqqummersumi kingullermi katissutinik assigiinngitsunik takutitsivoq, taama tusagassiivinnut nalunaarpoq "Denstoredag.dk".

Assit ikiuiniarnermik suliniummut tapersersuilluni suliarineqarsimapput, kiuuliliortartut atuagassiamik aaqqissuisoqarfiullu aningaasaleeqatigiinnerisigut, Julie Berthelsenip nammineq kissaataatut Kalaallit Nunaanni Nanu-børninut ingerlasussat.

- Peqataaqqatarpunga ilami WWF, Red Barnet aamma Børnehjælpsdagi suleqataaffigereerpakka, kisianni Nanu-børnimik suliniaqatigiiffik nutaajuvoq pilersikkiartuaarneranilu suut iluaqqutaasinnaasut tamarmik atortariaqarput, Julie Berthelsen oqarpoq.

Julie Berthelsen inooqatinilu Minik februaarimi 2012 meerartaassapput. Kiuulinik takutitsilluni assilisinnernit Juliep naava alliartortoq malunnarluarpoq, naak kiuulit ilaasa atinissaat ilungersunalaaraluartoq Julie assiliseqattaarnermini nuannersumik misigisaqarpoq.

- Piffissap ilaa eqqarsarpunga;"pualavallaalaaraluarpoq" ilaannili "naartorpaseqaaq". Kisianni assiliseqattaarnerma nalaani nuannisaqaanga, kiuuliliortut uannut immikkuullarilluinnartumik sanarusummata, naaqaraluaqalunga ilaatigut misigisarpunga soorlu prinsessi, Julie Berthelsen qungujulalluni oqarpoq. 

Assiliseqattaarneq Nanu-børnit 52.800 koruuninnassutigissavaat, taakku Nunatsinni meeqqanut atugarliortunut suliniartuupput.

Fotoserien gav 52.800 kroner til NANU-børn, der arbejder for Grønlands udsatte børn.

Atuagassiat Bruden aamma Gommen, denstoredag.dk'imit saqqummersinneqartarput, Juliellu peqataaffigisaa decembarip 14-ianni saqqummissaaq. Atuagassiaq katinnissamut sunik tamanik isumassarsiorfiusinnaasoq 300 miss. qupperneqartoq kioskini tamalaani pisiassaavoq. Aamma katinneq pillugu nittarsaassinersuaqalerpat januaarimi februaarimilu Danmarkimi sumiiffinni assigiinngitsuni takuneqarsinnaajumaarpoq.

Paasisaqarfik: http://www.onlinecatalog.dk/clients/c_31/u_52/BRUDEN_2797116/

Aamma http://www.ritzauinfo.dk/pressrelease/detail.do?pressId=38616&type=thisweek&searchKey=b226c56b-23df-11e1-8d9c-a30efb8b1a1d&languageId=all&pageIndex=1

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER