Nittartakkami oqaloqatigiittarfinni qinngasaarineq ima akiorneqassaaq

Dansk Center for Undervisningsmiljømi 7.-9. klassit akornanni digitalitigut qinngasaaruttarneq misissuiffigineqarsimavoq, tamatumalu takutippaa, digitalitigut qinngasaartittarneq amerlasuut ulluinnarni aqqusaartaraat.

Misussuinerup ilaatigut takutippaa, kinaassutsiminnik isertuussisunit sms'itigut, Facebookimi qinngarsuinnittunik gruppitigut aamma inuit nammineq assiutaannik saqqummiussinertigut inuusuttut qinngasaarineq atortaraat misussuinerup ilaatigut takutippaa.

Atuaruk: Meeqqat atuartut pingajorarterutaat qinngasaarneqartarput

Aaqqiissutissatut siunnersuut
Dansk Center for Undervisningsmiljø naapertorlugu atuartut allaat quliinnarnik ukiullit digitalitigut qinngasaarneqartarput.

Atuartut misissuinermi peqataasut nammineerlutik aaqqiissutissamik siunnersuuteqarput, tamanna isumaqarpoq, angajoqqaat, ilinniartitsisut aamma atuartut namminneerlutik iliuuseqassasut.

Meeqqat namminneerlutik digitalitigut qinngasaarneqannginnissamik malittarisassaliaat:

Klassini ataasiakkaani internetsimi qanoq pissusilersortoqassanersoq malittarisassaliortoqassaaq, minnerunngitsumillu internetsimi qanoq pissusilersortoqannginnissaanik.

Ileqqorissaarneq
Atuartut nittartakkani ileqqorissaarnermik ilinniartinneqassapput. Tassani sungiusartoqarsinnaavoq, nittartakkatigut allataqartilluni qanoq isumaqarsinnaanersoq, imaluunniit allaffigisamut pineqartumut qanoq sunniuteqarsinnaaneranik.

Inunnik isumaginnittuqarfik, atuarfik aamma politiit ilanngullugit, politiit atuartunut oqaluttuartillugit, nittartakkatigut qinngasaaraluni inatsisinik unioqqutitsigaanni qanoq kinguneqartarnersoq.

Angajoqqaat digitalitigut oqaloqatigiittarfinnut ilisimasaqarnerusariaqarput, taamaalillutik meeqqat sumiiffiinut nutaanut paasinninnerulissagamik.

Angajoqqaat eqqaamasassavaat meeqqat nittartakkami ulluat qanoq innersoq, meeqqat atuarfimmi ulluat qanoq inneranik aperineq assigalugu.

Atuaruk: Atuarfiit tamarmik qinngasaaruttarneq pillugu politikkeqartariaqarput