Skip to main content

Naalakkersuisut eqqissisaapput: Tunillatsittoqarsimanerani tusatsiagarsornasi

Coronavirusimik tunillatsissimasoq Uummannamiittoq paasineqarmalli Corona pillugu Allattoqarfik arlalinnit saaffigineqarsimavoq. Naalakkersuisut maanna kaammattuipput innuttaasut tusatsiakkanik siammartereqqunagit.

Corona pillugu Allattoqarfik Uummannami innuttaasunit ulluni kingullerni saaffigineqaqattaarpoq.

Naalakkersuisut facebookimi quppernerminni maanna ilisimatitsipput saaffiginnissutit arlaqartut tusatsiakkanit tunngaveqartuusut.

- Tusatsiakkat inunnut tunillatsissimasumut qanillisimanngitsunut pitsaanngitsunik kinguneqartarput. Inuit tamat ornittagaannut iseqqusaanngittarnerinut, allatulluunniit ataatsimoorfiusunit peersinneqartarnerinut assersuutissaqarpoq, Naalakkersuisut facebookimi quppernerminni allapput.

Angerlarsimaannartussat attavigineqareerput

Inuk ataaseq Danmarkimiit Uumannamut tikissimasoq misissortinneranit sisamanngornermi 14. januar paasineqarpoq coronavirusimik tunillatsissimasoq. Angalasoq nunatsinnut tikinneranit ullut arfineq-marluk qaangiummata tunillatsissimasoq paasineqarpoq.

LÆS OGSÅ: Uummannami tunillatsissimasoq peqqinnissaqarfimmi sulisuuvoq

Oqartussat ilisimatitsipput tunillatsissimasup attaveqarfigisimasinnaasai angerlarsimaannaqqullugit ilisimatinneqareersut. Ilanngullugu oqartussat innuttaasunut kaammattuipput oqartussaasut innersuussutaanik malinneqqullugit, kiisalu tusatsiakkanik ingerlatsitseqqinnissaq pinaveersaaqqullugu.

- Kikkut angerlarsimaannartinneqassanersut aammalu kikkut misissortissanersut oqartussaasunit naliliiffigineqartussaavoq, ilisimatitsissutigineqarpoq.

 

Corona pillugu Allattoqarfik maannarpiaq Uummannamiit amerlasuunit saaffigineqartarpoq. Saaffiginnissutini amerlasuuni...

Slået op af Naalakkersuisut/ Government of GreenlandFredag den 15. januar 2021

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER