Skip to main content

Musik video ingerlatinneqaqattaartoq: Josefip Qallunaat Nunaat kamaatigaa

Josef Tarrak Petrussenip musikvideoliaani nutaami oqaatsinut politikki qaqinneqarpoq

Sapaatiummat inussuttoq rappertartoq Josef Tarrak Petrussen musikvideomik nutaamik Facebookikkut saqqummersitsivoq, akunnialuillu arlaqanngitsut qaamiummata eqqartorneqarlualereerpoq.

Tupilak erinaq rappiuvoq sakkortooq, tassani oqaatsitigut aamma assigiinngisitsinikkut ajornartorsiutinik qaqitsisoq, oqariartuutillu qanoq tiguneqarnissaanik tunuarsimaarutiginninngitsoq.

Qallunaatoortoqartariaqarpoq
Qallunaat kalaallillu taallami tupilaanerarneqaqattaarput, rappertartup 18-inik ukiullip Josefip, nammineq nunamini qanoq ililluni takornartatut misigisoqartarsinnaanera rapperutigaa.

- Ilinniarfeqarfiit qallunaatoorsinnaanngikkuit akuerisinnaanngilaatsit. Kisianni qallunaat kalaallisut oqalussinnaanngitsut akuerineqaannartarput, Josef erinarsorpoq.

Atuaruk: Reykjavikimi Malik rockissaaq

Josef Tarrak Petrussenip aamma Københavnimi 2014-imi kusanaatsuliarineqartoq oqaaseqarfigaa, tassani politiinut saaffiginnittarfiup angut aqqusinermi toqulersoq sakkortuumik assigiinngisitsinermik takutitsiffigaa.

Atuarfimmi immikkoortinneqartoq
Rappertartup Napasumi najugaqartup Nanortalimmeersut aamma oqaluttuaraa, nammineq atuarfimmi ilinniartitsisuminit immikkoortinneqartarsimalluni, 'eskimoperkerimik' aamma 'arktisk abekatimik' taaneqarnikuusimalluni.

Tamakkuli aaqqissuussaanerup aamma qallunaat tamarmik pisuussutiginngikkaat Josefip oqariartuutigaa. Uagut nammineerluta iluarsisaqarsinnaasugut oqariartuutigineqarpoq.

Sapaatiummat Josef Tarraap saqqummersitsinerata kingorna, video Facebookimi nuannarineqapallalereerpoq.

Video Tupilak uani ataani takuuk

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER