IA-mi siulittaasoq nutaaq
Kuupik Kleist siulittaasutut tunuarpoq
Inuit Ataqatigiit siulittaasuugallartumik toqqaapput
Aqqaluaq B. Egede Inuit Ataqatigiinni siulittaasuugallartutut ivertinneqarpoq. Tamanna nalunaarutigineqarpoq ataasinngornermi ullaap tungaa tusagassiortunik katersortitsinermi Kuupik Kleistip siulittaasutut tunuarnini nalunaarutigimmagu.
Atuaruk: IA-mi siuttut allanngulerpat?
Inuit Ataqatigiit immikkoortoqarfimminnut nalunaarutigereerpaat Kuupik Kleist siulittaasutut tunuartoq Inatsisartunili ilaasortaanerminik attassiinnarluni.
- Inuit Ataqatigiinni naliliivugut Nunatsinni politikkikkut pissutsit qanorluunniit pisoqarfioriaannaasut. Taamaammat qanorluunniit pisoqariataarsinnaaneranut Inuit Ataqatigiit piareersimapput. Aamma kingullermik partii ataatsimeersuarmat nalunaarutigaara qaqugorsuarmut siulittaasuunaviarnanga akisussaaffiullu inuusunnerusunut tunniunnissaa piareersimaffigalugu, Kuupik Kleist tusagassiortunik katersortitsinermi nalunaarpoq.
Aqqaluaq B. Egede Inuit Ataqatigiinni siulittaasuugallartutut toqqarneqarpoq Aqqaluaq B. Egede immikkullu ittumik ataatsimeersuarneq pissaaq maajip 30-at pissaaq.