IAmi siuttut allanngulerpat?

Inuit Ataqatigiit aaqqissuussaaneranni allannguut ullaap tungaa tusagassiortunik katersortitsinermi saqqummiunneqassaaq. Tusagassiortunilli katersortitsinissaq sioqqullugu sumik nalunaaruteqarnissartik Inuit Ataqatigiit saqqummiunnaversaarallarpaat.

Inuit Ataqatigiit siulittaasuat Kuupik Kleist tusagassiortunik katersortitsisuuniarpoq taannalu internettikkut toqqaannartumik IAp nittartagaatigut malinnaaffigineqarsinnaasussaavoq nalunaaqutaq quliniit.

Inuit Ataqatigiit sinnerlugit Inatsisartuni Folketingimilu ilaasortaq Sara Olsvig Facebookimi quppernermini allappoq ulloq immikkut malunnaateqartussaasoq.

Qanoq pisoqarnera piaarnerpaamik Sermitsiaq.AGp saqqummiukkumaarpaa.

Tusagassiortunik katersortitsineq ugguuna malinnaaffigisinnaavat