Skip to main content

Kruse: Isumaliutissiissut isertugaavoq

Aalisarnermut Piniarnermut Naalakkersuisoq, Karl Kristian Krusep isumaliutissiissut Kammeradvokatip suliaa suli tunniukkumanngilaa.

Karl Kristian Kruse Sermitsiaq.AG-mut ima nassuiaateqarpoq:

Tunngavilersuut

- Naalakkersuisut peqqusineratigut kammeradvokatip ilisimasalittut nassuiaataa suliarineqarpoq nunatsinni aalisarnermik inuussutissarsiuteqartut aalisarneq pillugu allannguuteqarnermut atatillugu, Naalakkersuisut eqqartuussivimmut tunniunneqarnissaannik siorasaarisoqareernerata kingunerisaanik, Karl Kristian Kruse allappoq ilassuteqarlunilu:

- Kammeradvokatip ilisimasalittut nassuiaatigisai allanut oqaatigeqqusaanngitsutut suliaasarput taamatullu pisortat ingerlatsineranni inatsimmi paragraf 10, imm. 4-mut atatillugu suliat nalunaarsorneqarannut allagaatitut takunnissinnaanermit atuutsinneqaratik, pisortat suliamillu ilisimasallit akorngini allaqatigiinnerit eqqartuussivigitsigut imaluunniit eqqartuussisorisunut suliakkiuteqarumanermik nalunaaruteqarsimanermut atortinneqarsinnaaneri aallaaveqartillugit. Kammeradvokatip suliamut ilisimasalittut nalunaarusiaa pisortatigoortumik saqqummiunneqassanngilaq aalisarnermik ingerlatseqatigiiffinnit pitsaaqutitut atorneqarsinnaanerata periarfissaq aarlerinartoqarmat. Tamanna innuttaasunut imaluunniit pisortat ingerlatsiviinut arlaannaatigulluunniit soqutiginaateqanngilaq.

Qinnuiginninneq

Sermitsiaq.AG-p Aalisarnermut Piniarnermut Naalakkersuisoqarfimmi pisortaq, Jørgen Isak Olsen apeqquteqarfigaa, qanga Kammeradvokati isertuussamik ilisimasalittut isumaliutissiissumik suliaqarnissaanik qinnuigineqarsimanersoq.

- Ullua ersarissumik eqqaamanngilara, kisianni Kammeradvokatimut piumasaqarneq ukioq kingulleq februarip martsillu akornanni nassiunneqarpoq, Jørgen Isak Olsen paasissutissiivoq.

Kruse kammeradvokatip ilisimasalittut isumaliutissiissutaanik isertuussiniarluni "...kalaallit aalisarnermik inuussutissarsiutillit nalunaarutaat..." innersuussutigigaanni  tunngavilersuutai eqqumiiginarsinnaapput. Nalunaarut siullermik 2017-imi upernaakkut nassiunneqarpoq – Naalakkersuisut Kammeradvokatimut attaveqarneriniik qaammatit arlallit qaangiuttut.

Aggustip qaammataani taarsiivigeqqussut

Polar Seafoodimi siulersuisuini siulittaasoq Henrik Leth aalisarnermik inuussutissarsiortuni siullersaalluni taarsiivigineqarnissaq pillugu oqaaseqaqqaartuuvoq, tamanna aggustip ulluisa 18-ni Sermitsiaq.AG-mut pivoq.

Tassani aalisarnermut inatsisissaq tusarniaassutigineqalerneranut atatillugu, taarsiivigeqqusinnaaneq pillugu Henrik Leth siullermeerluni oqaaseqarfigaa.

Aamma atuaruk: Aalisarnermut inatsissami milliardinik nalilimmik taarsiivigeqqussuteqartorqarsinnaavoq

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER