Kinap nunanut allanut aallartitaa Nunatsinnut tikeraartoq
Kinap Danmarkimi nunanut allanut aallartitaa Feng Tie aalisarnermut piniarnermullu naalakkersuisoq Karl Tobiassen (S) ataasinngornermi 1. maj ataatsimeeqatigaa.
Aalisarnermut piniarnermullu Naalakkersuisoq Karl Tobiassen (S) Kinap Danmarkimi nunanut allanut aallartitaa, Feng Tie aalisarneq niuernerlu pillugit suleqatigiinnermut tunngatillugu ataatsimeeqatigaa.
Tamanna pivoq Hans Egedep illuani ataasinngornermi 1. maj, Namminersorlutik Oqartussat tusagassiorfinnut nalunaaruteqarlutik naatsumik allapput.
Inussiarnisaarluni ilasseqatigiinnertut suleqatigiinnermullu tunngatillugu ilisimatitseqatigiinnertut naapinnertut taaneqarpoq.
Niuerfik annertooq
Kina qalerualinnik aalisakkanillu nioqqutissanik nunarsuarmi pisiortornerpaavoq. Tamanna Royal Greenlandip aamma Polar Seafoodip niuernerannut malunnaateqarluartarpoq. Royal Greenland 2019-imi Kinamut raajanik qaleralinnillu 2019-imi tunisaanni kaaviiaartitat rekordiliiffiullutik 1 milliardit koruunit anguaat.
Kinap Danmarkimi nunanut allanut aallartitaanik ataatsimeeqateqarnermi aalisarneq, tunisassianik avammut tunisineq niuernerlu oqaluuserineqartunut ilaapput.
Uku ilisimatitsissutigineqarput:
- Qingdaomi aalisarneq pillugu saqqummersitsineq EXPO-lu
- Niuerneq, niuernermilu akitsuuteqanngitsumik isumaqatigiissuteqarneq
- Aalisakkanik tunisassiorfiit aamma tunitsiviit avammut tunisassiaanik akuersissuteqarnerisa pioreersut aamma niuffafiinnut nutaanut pillugit akuersissuteqartarnerit
- Puisit amii piniakkallanullu tunngatillugu piujuaannartitsinissaq