Inatsit tunngaviusoq
Kim Kielsen tulluusimaartoq: Namminersulernissamut ingerlariarneq pingaarutilik
Inatsimmut tunngaviusussamut Inatsisartut amerlanerussuteqarneri Naalakkersuisut siullittaasuata tulluusimaarutigaa
Inatsisatut oqaluttuarisaanermut pingaarutilimmik ippassaq arfininngornermi ataatsimiipput.
Inatsimmut tunngaviusussamik siunnersuut partiinit amerlanerussuteqartunit taperserneqarmat.
Naalakkersuisullu siulittaasuata Kim Kielsenip tamanna nuannaarutigalugulu tulluusimaarutigaa.
Atuaruk: Inatsimmut tunngaviusussamut amerlanerussuteqartut
Suleqatigiilluartoqarnissaanik kissaateqarpoq
- Tamannami Nunatta alloriarneraa oqaluttuarisaanermi pingaarutilik inuiaqatigiinnguusunit kalaallinit tamatsinnit pinngitsoorneqarsinnaanngitsoq, inuiaat kalaallit nunaminnik Kalaallit Nunaannik piginnittuunerannik naqissusiisussaq, tusagassiuutinut nalunaarummi allappoq.
Atuaruk: - Ulloq pingaarutilik
Nunatsinni inuiaqatigiit namminersulernissap tungaanut piareeqqammata aallariarnissaq kisimi tullinnguuttooq erseqqissarpaa.
- Nunatsinni innuttaasut tamaasa suleqataalluarnissaannik kissaappakka, erseqqissassavaralu uanga nunami maani siuttuutillunga innuttaasut qulaatiinnarlugit aalajangiisoqarnavianngimmat, innuttaasullu tassaammata piffissanngorpat peqqissaartumillu sulisoqareerpat Tunngaviusumik Inatsisissamik taasinermikkut aalajangiisussat, Kim Kielsen allappoq.
Atuaruk: Tunngaviusumik inatsisiliornissamut ataatsimiititaliaq Inatsisartunit suliaripallanneqartoq