Skip to main content

Kiffartuussinermut isumaqatigiissutit attuumassuteqanngitsunit misissorneqarnissaannik Dorph piumasaqarpoq

Kiffartuussinermut isumaqatigiissutit pillugit oqallinnermi suna ilumoortuunersoq, borgmesterip Ole Dorphip qulaajartinniarpaa

Qaasuitsup Kommuniani borgmesterip Ole Dorphip (S), angallassinermut kiffartuussinermut isumaqatigiissutit nutaat pillugit qulaajaarusuppoq.

Taamaattumik illuatungeriinnut tamanut saaffiginnittumik ammasumik allagaqarpoq.

- Tusagassiutitigut Kiffaartuussinermut isumaqatigiissutip pilerneranit ingerlasimanera akunnerni kingullerni eqqartorneqartoq initusimaqaaq. Pakatsineq tamaginnit annertusimavoq, Ole Dorph allappoq.

Borgmesterilu pakatsisut ilagigaat eqqoriassagaanni, tamanna uniorpallaarunanngilaq.

Atuaruk: Niuernikkut unioqqutitsilluni isumaqatigiissuteqartoqarsimaneranik pasitsaassineq

Piviusut isummallu immikkoortikkuminaattut
Tamanut ammasumik oqqannermut ilanngunnissani kissaatiginngilaa, taannalu naapertorlugu suliami piviusut suunersut takujuminaapput.

- Taamaattumik suliami uani immikkoortikkuminaapput isummat, pisuutitsiniarnerit, kiiisalu pissusiviusut nunatsinni innuttaasunut attuisuusut, taanna allappoq.

Suliarinnikkumasut illuatungeriit aappaata, Aluu Airlinesip, suliaq Unammillernermut Aqutsisoqarfimmut nalunaarutigisimagaa, AG kingullermik oqaluttuarpoq.

Atuaruk: Kommune Kujalleq: Suliarinnittussarsiornermi piumasaqaatit malinneqanngillat

Attuumassuteqanngitsunik misissuititsineq
Naak tamanut ammasumik oqqannermut Ole Dorph ilanngunnissani kissaatiginngikkaluarlugu, suliap ingerlanneqarnera qulaajarneqartariaqartoq isumaqarpoq.

- Tusaasinnaasattut suliamut attuumassuteqartut akornanni qunneqartutut ippoq, suliap ingerlanerani kiisalu piviusut innatsisinut naleqqiullugit, taanna nangilluni allappoq.

Suliamilu suna eqqortuunersoq paasiniarlugu aqqut qularnanngitsoq ataasiinnaanerarpaa.

- Tamaattumik avataani inissisimasumik attuumassuteqanngitsumillu suliap ingerlasimanera misissortitsigu nalunaarusiaritillugulu. Tuaviortumik pisinnaappat tuaviortumik, kajumissaarutaani tamanna allaqqavoq.

Atuaruk: Kiffartuussinermut isumaqatigiissutit Wæverip kamaatigigai: Mattusersuilluni aaqqiinerit akisuut

Ataatsimeeqatigiinneq
Naalakkersuisoq akisussaasoq, Martha Lund Olsen (S), sapaatip-akunnerani kingullermi Kommune Kujallermi borgmesterimut, Jørgen Wæver Johansenimut ammasumik allagaqarnermini suliap oqaloqatigiissuteqarnera naammassisutut nalilernerarpaa.

Attuumassuteqanngitsumik misissuineq naammassineqareerpat, illuatungeriit naapittariaqartut, Ole Dorph (S) isumaqarpoq.

- Taamaasereerpat naapilluta pissutsit toqqisisimanartut ataanni angallassinissamut kiffartuussiumasut, Naalakkersuisoq Martha Lund Olsen kiisalu borgmesterit akornanni.

- Pissutsit piviusut nerriviup qaavanut ilitigik kikkut tamaasat periarfissillugit isummaminnik saqqummiussinissaannut, nalilersuinissaannut aarleqqutigisaminnillu periarfissitsigik immitsinnullu tusarnaarluta.

Kiffartuussinermut isumaqatigiissutit pillugit allaaserisat tamaasa uani atuakkit

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER